Ariúlfo

Na Galipedia, a Wikipedia en galego.

Ariúlfo foi o segundo duque de Spoleto. Sucedeu a Faroaldo I á súa morte, sobre o 592.

Só subir ao poder ocupou algunhas cidades bizantinas e axudou a Arechis I de Benevento no asedio de Nápoles, praza forte bizantina. Derrotou aos bizantinos en Camerino e o duque alegou ter tido a axuda de Santo Sabino. Paulo Diácono di que foi o primeiro duque convertido ao cristianismo. O Papa Gregorio I fixo unha paz separada con el, o que provocou a hostilidade do emperador bizantino e do Exarca de Ravenna.

Morreu sobre o 602 e sucedeuno o fillo do seu antecesor, Teodelapo, que se impuxera a un irmán.