Arcosauros

Na Galipedia, a Wikipedia en galego.
Archosauria
Rango fósil: Triásico inferior - Presente
Os arcosaurios vivientes inclúen os crocodilos e aves.
Os arcosaurios vivientes inclúen os crocodilos e aves.
Clasificación científica
Reino: Animalia
Filo: Chordata
Clase: Sauropsida
Subclase: Diapsida
Infraclase: Archosauromorpha
(sen clasif.): Archosauria
Cope, 1869
Clados

Os arcosauros (Archosauria, gr. "réptiles dominantes") son un grupo de réptiles diápsidos que evolucionaron dos Archosauriformes durante o período Olenekiano (Triásico cedo). Tiveron un enorme éxito evolutivo e diversificáronse extraordinariamente durante o Mesozoico; os únicos representantes actuais do grupo son os crocodilos e mailas aves.

Características[editar | editar a fonte]

Os arcosauros caracterízanse por unha compresión lateral dos dentes, por ter un corazón con catro cámaras e por unha tendencia á marcha bípeda. Este derradeiro trazo é, talvez, o que máis modificou a anatomía dos arcosauros; así, as extremidades posteriores son moito máis longas e robustas cás anteriores e mantéñense verticalmente debaixo do corpo; ao mesmo tempo, o isquion e maila pube alongáronse para permitir a inserción dos músculos das patas posteriores, o fémur ten unha cabeza lateral e a tibia faise longa e robusta, fusionándose ás veces cos ósos proximais do tarso; os dedos redúcense a tres longos e dirixidos cara adiante e un dirixido cara atrás.

A maioría dos primeiros arcosaurios eran carnívoros, con dentes aserrados e estreitos perfectos para manexar carne. O seu metabolismo parece que lles deu unha clara vantaxe sobre os terápsidos, os cales eran os seus contemporáneos nos áridos e monzónicos climas interiores do supercontimente Pangea. Así, mentres que no Pérmico foron dominantes os sinápsidos, no Triásico o serían os saurópsidos.

Evolución[editar | editar a fonte]

Hai principalmente dous grupos de arcosaurios; os Ornithodira, que eran insignificantes durante o Triásico, pero que radiaron no Triásico tardío (dinosauros e pterosaurios) e os Crurotarsi, que eran o grupo predominante naqueles tempos, e incluían un gran número de grupos puramente triásicos como os Rauisuchia, os Phytosauria e os herbívoros Aetosauria, así como os devanceiros dos crocodilos.

Un gran número destes grupos de arcosauros, sobre todo os grandes Crurotarsi, e os antigamente chamados Tecodontes (en libros nos que non se empregaba a cladística actual), extinguíronse hai 195 millóns de anos, durante a Extinción masiva do Triásico-Xurásico. Os sobreviventes foron os dinosauros e pterosauros entre os Ornithodira, e os Sphenosuchia e Protosuchia así como os seus descendentes crocodilos entre os Crurotarsi. Os dinosauros dominaron a terra e máis tarde os pterosauros dominarían o ceo até o fin do Cretácico, e os crocodilos os ríos e pantanos e algúns mesmo invadiron os mares (os Teleosauridae e os Metriorhynchidae).

Tal é a supremacía dos arcosauros durante o Mesozoico que non debería ser chamada a "Era dos Réptiles", senón máis ben a "Era dos Arcosauros".

A maioría destes grupos extinguíronse hai 65 millóns de anos, durante a Extinción masiva do Cretácico-Terciario. Os únicos grupos que sobreviviron e que persisten até o día de hoxe, son os dinosauros terópodos (concretamente as aves) e os crocodilianos, que inclúen aos modernos crocodilos, caimans e aos gaviais.

Tradicionalmente, as aves separáronse do resto dos arcosaurios. Recentemente, segundo o método cladístico, soamente os grupos monofiléticos son válidos, e as aves son por iso incluídas dentro da división Archosauria.

Filoxenia[editar | editar a fonte]

Archosauria 
 Crurotarsi 

?Ctenosauriscidae


 Crocodylotarsi 

Ornithosuchidae



Phytosauria


 Suchia 

Prestosuchidae


 Rauisuchiformes 

Aetosauria


 Rauisuchia 

Rauisuchidae


 Paracrocodylomorpha 

Poposauridae



Crocodylomorpha (crocodiles and relatives)








 Avemetatarsalia 

Scleromochlus


 Ornithodira 
 Pterosauromorpha 

Pterosauria



 Dinosauromorpha 
 Dinosauriformes 
 Dinosauria 

Ornithischia


 Saurischia 

Aves (birds)









Notas[editar | editar a fonte]

  • Benton, M. J. 2004), Vertebrate Paleontology, 3rd ed. Blackwell Science Ltd
  • Carroll, R. L. (988) Vertebrate Paleontology and Evolution, W. H. Freeman and Co. New York

Ligazóns externas[editar | editar a fonte]

Wikispecies-logo.svg
Wikispecies posúe unha páxina sobre: Arcosauros