Arabia Saudí - العربية السعودية

جمهورية مصر العربية al-Mamlaka al-ʻArabiyya as-Suʻūdiyya Reino de Arabia Saudí

Bandeira Escudo

Lema: لا إله إلا الله محمد رسول الله (Non hai máis deus que Alá e Mahoma é o seu profeta) Himno nacional: Aash Al Maleek     Capital  • Poboación Riad 4.878.723 (2009) Linguas Árabe Forma de goberno Monarquía absoluta islámica Rei Príncipe herdeiro Abdullah bin Abdul-Aziz Independencia • Declarada • Recoñecida • Fundación do Reino Unido 8 de xaneiro de 1926 20 de maio de 1927 23 de setembro de 1932 Superficie  • Total  • % auga Fronteiras Costas Posto 14º 2.149.690 km² 0,7 n/d km 2.640 km Poboación  • Total  • Densidade Posto 46º 27.136.977 (2010 est.) 12,62 hab./km² PIB (nominal)  • Total (2010)  • PIB per cápita Posto 23º US$ 438.009 millóns US$ 16.778 PIB (PPA)  • Total (2010)  • PIB per cápita Posto 22º US$ 618.744 millóns US$ 23.701 IDH (2010) 0,752 (55º) – Alto Moeda Riyal (﷼, SAR) Xentilicio Saudita Fuso horario UTC+3 Dominio de Internet .sa Prefixo telefónico +966 Prefixo radiofónico 8ZA-8ZZ, 7ZA-7ZZ, HZA-HZZ Código ISO 682 / SAU / SA Membro de: ONU, OPEP, Liga Árabe Tódolos países do mundo

Arabia Saudí (en árabe: السعودية, as-Suʻūdiyya), oficialmente Reino de Arabia Saudí (en árabe: جمهورية مصر العربية, al-Mamlaka al-ʻArabiyya as-Suʻūdiyya) é un país situado na Península de Arabia. Fai fronteira con Iraq, Xordania, Quvait, Omán, Qatar, Emiratos Árabes Unidos e Iemen.

Historia

O estado saudita naceu na Arabia central sobre o 1750. Un líder local, Muhammad bin Saud, uniuse ó reformista islámico Muhammad ibn Abd Al-Wahhab, para crear unha nova entidade política. Durante os seguintes 150 anos, os sauditas loitaron con Exipto, o Imperio Otomán, e outras familias árabes polo control da península. O estado saudita moderno fundouno o rei Abdul Aziz Al-Saud (tamén coñecido coma Abdul Aziz Ibn Saud).

No 1902 Abdul Aziz Al-Saud conquistou Riyadh, a ancestral capital da dinastía Al-Saud, que estaba en poder da familia rival Al-Rashid. Continuando coas súas conquistas, Abdul Aziz someteu Al-Ahsa, Nejd e Hijaz entre 1913 e 1926. O 8 de xaneiro de 1926 Abdul Aziz Al-Saud converteuse no rei de Hijaz. O 29 de xaneiro de 1927 conseguiu o título de Rei de Nejd (anteriormente fora Sultán). Polo Tratado de Jedda, firmado o 20 de maio de 1927, o Reino Unido recoñeceu a independencia do reino de Abdul Aziz (por entón chamado Reino de Hijaz e Nejd). No 1932, esas rexións unificáronse tomando o nome de Reino de Arabia Saudita.

O achado de petróleo o 3 de marzo de 1938 transformou economicamente ó pais. Actualmente Arabia Saudí goza dunha cordial relación coa maioría dos paises occidentais.

Política

A institución principal do goberno de Arabia Saudita é a monarquía. A Lei Básica adoptada no 1992 declara que Arabia Saudí é unha monarquía dirixida polos descendentes do Rei Abdul Aziz Al-Saud, e que o Corán é a constitución do país, que se rexe no legal pola Shari'a. A formación de partidos políticos está prohibida e non se celebran eleccións estatais.

Os poderes do rei están limitados pola Shari'a e outras tradicións sauditas. Tamén debe procurar o consenso da familia real saudita, os líderes relixiosos (ulema) e outras persoas importantes da sociedade saudita. A ideoloxía do estado é o Wahhabismo. Esta seita do Islam tenta expanderse financiando a construción de mesquitas e escolas do Qur'an por todo o mundo. A familia real elixe ó rei de entre os seus membros e sempre coa aprobación dos ulema.

Debido á enfermidade do rei Fahd bin Abdul Al-Aziz a dirección do país recaeu nas mans do seu irmán máis novo, o príncipe herdeiro Abdullah bin Abdulaziz Al Saud que actuou coma rexente ata a morte deste o 1 de agosto do 2005.

División Administrativa

Arabia Saudí está divida en 13 provincias (mintaqat).

1. Provincia de Al-Bahah
2. Provincia de Al-Hudud ash Shamaliyah
3. Provincia de Al-Jawf
4. Provincia de Al-Madinah
5. Provincia de Al-Qasim
6. Provincia de Ar Riyad
7. Provincia de Ash Sharqiyah
8. Provincia de 'Asir
9. Provincia de Ha'il
10. Provincia de Jizan
11. Provincia de Makkah
12. Provincia de Najran
13. Provincia de Tabuk

Economía

Véxase o artigo Economía da Arabia Saudí.

Ligazóns externas

• Informe do Departamento de Estado dos EEUU: casamento cos Sauditas (en inglés)
• Informe do Departamento de Estado dos EEUU: Arabia Saudi, Rapto internacional de nenos (en inglés)
• Visita Virtual a Arabia Saudí (en inglés)
• Arabia Saudí Informe (en inglés)
• Amir Butler: Deixade o cambio na Arabia Saudita en mans dos Sauditas (en inglés)

Mapas e imaxes

• 

  Mapa de Arabia Saudí

• 

  Mapa topográfico

• 

  Tormenta de area sobre o Mar Vermello