Appenzell

Na Galipedia, a Wikipedia en galego.

Appenzell (en francés Appenzell e en italiano Appenzello) é unha comuna e distrito suízo, capital do cantón de Appenzell Interior.

Centro da cidade e punto de interese turístico.

Xeografía[editar | editar a fonte]

A comuna-distrito de Appenzell atópase situada nos Prealpes appenzellenses, a 780 m, aos pés do macizo do Säntis, o monte máis alto de toda a cadea montañosa do cantón. Limita ao norte coa comuna de Schlatt-Haslen, ao nordés con Gais (AR), ao leste con Rüte, ao sur con Schwende, e ao oeste con Gonten.

O distrito inclúe as localidades de Kau, Mendle, Mettlen, Rinkenbach e Sammelplatz, así como a localidade de Appenzell, a cal se acha esparexida nos distritos de Appenzell, Schwende e Rüte, aínda que a maior parte se atopa no distrito de Appenzell.

Imaxes[editar | editar a fonte]

Historia[editar | editar a fonte]

En 1071 menciónase por primeira vez a vila baixo o nome de Abbacella. En 1223 menciónase como Abbatiscella, o que significa a cela do abade.

Casas de gandeiros de Appenzell.

Como o pobo está dividido en varios distritos, xa no século XVI se formou a Feuerschaugemeinde para unir os servizos públicos, como os bombeiros, a subministración de auga ou a electricidade, nunha institución común.

Turismo[editar | editar a fonte]

A pesar de ser un lugar afastado, o distrito está ben comunicado por ferrocarril e por estrada desde Gossau e San Galo. É un centro turístico, grazas á conservación do patrimonio arquitectónico que lle dá un aire pintoresco. Ademais, pódense atopar todo tipo de souvenirs dos Alpes. É un punto preferido para o comezo de excursións á rexión dos Grisóns e do lago de Constanza.

Ligazóns externas[editar | editar a fonte]