Aplysia

Na Galipedia, a Wikipedia en galego.
Aplysia
Aplysia californica
Aplysia californica
Clasificación científica
Reino: Animalia
Filo: Mollusca
Clase: Gastropoda
Subclase: Orthogastropoda
Superorde: Heterobranchia
Orde: Opisthobranchia
Suborde: Anaspidea
Superfamilia: Aplysioidea
Familia: Aplysiidae
Xénero: Aplysia
Linnaeus, 1767

Aplysia é o xénero tipo da familia dos aplisíidos, un tipo de lesmas de mar, moluscos gasterópodos de corpo espido que habitan en todos os mares do globo.

Estes animais respiran a través dunha respiración branquial que se manifesta polas branquias visíbeis dorsalmente, onde forman unha estrutura que recorda unha matogueira. Estas branquias son operculadas.[1]

O tamaño destes fitófagos bentónicos é bastante grande en comparación coa maioría dos moluscos. Pastan en zonas mareais e submareais de augas tropicais e subtopicais, principalmente no océano Indopacífico (23 especies), pero tamén se encontran no océano Atlántico (12 especies, cunhas poucas no Mediterráneo). En Galicia a especie máis común é Aplysia punctata.

Son hermafroditas e fan cópulas cruzadas de dous individuos, nas que cada un deles emprega sucesivamente un ou o outro dos seus sexos.

Cando son ameazados, liberan nubes de tinta para dificultar a visión do atacante. Baixo a dirección de Eric R. Kandel, este xénero foi estudado como organismo modelo en neurobioloxía, porque a liberación de tinta é unha resposta mediada por sinapses eléctricas, que permiten que varias neuronas disparen de maneira sincronizada.[2] Esta rápida resposta neural é importante para que o animal reaccione fuxindo.

Especies[editar | editar a fonte]

Unha Aplysia fasciata (arriba) e unha parella de Aplysia punctata (abaixo) nun acuario de Póvoa de Varzim, Portugal.

Notas[editar | editar a fonte]

  1. F. Cuvier, Leçons d'anatomies comparées, t. 2, 1805, p. 304.
  2. Kandel Eric R., Schwartz, J. H. e Jessell, T. M. (2000): Principles of Neural Science, 4th ed. New York: McGraw-Hill.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]