Aparición mariana

Na Galipedia, a Wikipedia en galego.
O miragre de Fátima

Unha aparición mariana é a suposta visión extemporánea da Virxe María que din ter algúns crentes católicos.

Ás veces as informacións das aparicións sucédense nun mesmo sitio durante un período de tempo, pero na maioría só unhas poucas persoas e moi ocasionalmente informan de que presuntamente viron a Virxe. Moitos cristiáns, incluíndo algúns católicos, e non crentes teñen ás aparicións marianas como alucinacións fomentadas pola superstición, e ocasionalmente como simples mentiras ou fraudes deliberadas.

Ademais da católica a Igrexa Copta recoñece aparicións marianas. Son numerosas as aparicións que se teñen propagado desde o comezo do cristianismo, pero só unhas poucas foron recoñecidas como auténticas pola Santa Sé. As aparicións máis coñecidas son as de Lourdes e Fátima. En Galiza tiveron lugar as aparicións de Pontevedra, en 1925 e 1926.