Antonio Rodríguez Pérez (xornalista)

Antonio Rodríguez Pérez
Biografía
Nacemento	século XIX
Morte	século XX ; Madrid
Deputado nas Cortes republicanas
	6 de decembro de 1933 – 7 de xaneiro de 1936 ; Lexislatura: II lexislatura da Segunda República Española ; Circunscrición electoral: A Coruña
Deputado nas Cortes republicanas
	13 de xullo de 1931 – 9 de outubro de 1933 ; Lexislatura: I lexislatura da Segunda República Española ; Circunscrición electoral: A Coruña
Datos persoais
País de nacionalidade	España
Actividade
Lugar de traballo	Madrid
Ocupación	avogado , político
Período de actividade	(Con vida en: 1933 )
Lingua	Lingua castelá

Para outras páxinas con títulos homónimos véxase: Antonio Rodríguez Pérez.

Antonio Rodríguez Pérez, finado en Madrid, foi un avogado, xornalista e político galego.

Traxectoria[editar | editar a fonte]

Fillo dunha familia humilde, con panadería en Lugo. Residía en Madrid onde foi redactor de El Imparcial. Próximo a Manuel Viturro Posse, foi deputado nas Cortes Españolas polo distrito de Padrón como independente polo Partido Liberal nas eleccións de 1918, 1919, 1920 e 1923, tendo como representante no distrito a Estanislao Pérez Artime. Foi nomeado Director Xeral de Obras Públicas en setembro de 1923. Posteriormente pasouse á Federación Republicana Gallega (futura ORGA), partido polo que foi elixido deputado pola provincia da Coruña nas eleccións a Cortes Constituíntes de 1931. Nas eleccións xerais de 1933 volveu ser elixido deputado pola mesma provincia como republicano independente polo Partido Republicano Radical. Militou no Partido Nacional Republicano de Sánchez Román. Nas eleccións xerais de 1936 presentouse a deputado integrado na Candidatura Republicana de Centro y Coalición, pero non foi elixido. Coa Guerra civil logrou fuxir a Francia en barco desde Cartaxena. Posteriormente volveu e fixou a súa residencia no Hotel Palace de Madrid, onde morreu.