Antonio Carballeira Muñiz
| Biografía | |
|---|---|
| Nacemento | 1910  Meirás, España |
| Morte | 12 de agosto de 1936 (25/26 anos) Veigue, España |
| Datos persoais | |
| País de nacionalidade | España |
| Actividade | |
| Ocupación | sindicalista , político |
| Lingua | Lingua castelá |
Antonio Carballeira Muñiz, nado en Meirás (Sada) en 1910 e finado en Veigue o 12 de agosto de 1936, foi un sindicalista sadense.
Traxectoria[editar | editar a fonte]
Labrego e albanel da parroquia sadense de Meirás, desenvolveu as súas actuacións no ámbito do sindicalismo agrario e do comunismo. Directivo e fundador da Asociación Agraria de Meirás (1931-1932), do Sindicato de Profesiones Varias de Meirás (1932-1936) e do Ateneo de Cultura Política y Social de Sada (1935-1936). Foi, asemade, directivo do Radio Comunista de Sada e, como tal, integrante da Comisión encargada de realizar a campaña a prol do Estatuto de autonomía.
Cando se prosuciu o golpe de Estado do 18 de xullo de 1936 agochouse nos montes de Meirás, na compaña de Juan Antonio Suárez Picallo, Manuel Prego Chas, José Mosquera Rey e Gumersindo Montero. A comezos de agosto trasladáronse os tres primeiros á Coruña, onde foron delatados e capturados polos falanxistas. Logo de sufriren torturas, foron asasinados. Os seus cadáveres apareceron o 12 de agosto do 1936 no monte das Abeleiras, na parroquia de Veigue.[1]
En decembro do 2007 inaugurouse en Sada unha pedra cunha placa en homenaxe aos represaliados polo franquismo, onde figura o nome de Antonio Carballeira.
Notas[editar | editar a fonte]
- ↑ Alí foi atopado o seu cadáver. Onde morreu non se sabe de certo.
Véxase tamén[editar | editar a fonte]
Bibliografía[editar | editar a fonte]
- Fernández Prieto, Lourenzo; et al. (2011). A represión franquista na comarca da Coruña. Santiago de Compostela: Edicións Laiovento. p. 60. ISBN 978-84-8487-288-7.
- Fernández Santander, C.: Alzamiento y Guerra Civil en Galicia. 1936-1939, Ediciós do Castro, 2007.
- Lamela, Luis (2002). A Coruña, 1936. Memoria convulsa de una represión. Sada: Do Castro. p. 157.
- Velasco Souto, C.: 1936. Represión e alzamento militar en Galiza, A Nosa Terra, 2006.
- Arquivo do Reino de Galicia, Fondo do Goberno Civil, G-2552 e G-2563.