Antón Dobao

Xosé Antón López Dobao, coñecido como Antón Dobao, nado en Lugo o 16 de xullo de 1963, é un escritor, tradutor e cineasta galego.

Traxectoria

Licenciado en Filoloxía galega pola Universidade de Santiago de Compostela, onde foi Profesor Asociado da Facultade de Ciencias da Información. Traballa como lingüista na TVG desde 1986.

Membro do comité de redacción da revista A Trabe de Ouro. Foi profesor asociado na Facultade de Ciencias da Información da Universidade de Santiago.

Participou no ano 2003 no libro Xuro que nunca volverei pasar fame, editado polas Redes Escarlata, organización á que pertence. Tamén é un dos impulsores de ProLingua.

Na actualidade desenvolve a súa actividade como cineasta no proxecto Un mundo de historias.

Obra literaria

Poesía

• Desde o teito da noite, 1987, Xerais.
• Caderno dos dereitos e das horas, 1994, Deputación da Coruña.
• O tempo entre murallas, 1997, Xerais.
• Materia, 2005, Xerais.
• Onde o ollar comeza a doer, 2007.

Narrativa

• Incertos, 2008, Xerais (relatos).

Obras colectivas

• Os escritores lucenses arredor de Ánxel Fole, 1986, Concello de Lugo.
• XII Festival da Poesia no Condado, 1992, S. C. D. Condado.
• XIII Festival da Poesia no Condado, 1993, S. C. D. Condado.
• Para saír do século. Nova proposta poética, 1997, Xerais.
• A poesía é o gran milagre do mundo, 2001, PEN Clube de Galicia.
• Alma de beiramar, 2003, Asociación de Escritores en Lingua Galega.
• Intifada. Ofrenda dos poetas galegos a Palestina, 2003, Fundación Araguaney.
• Negra sombra. Intervención poética contra a marea negra, 2003, Espiral Maior.
• Xuro que nunca volverei pasar fame, 2003, Difusora.
• Volverlles a palabra. Homenaxe aos represaliados do franquismo, 2006, Difusora.
• Urbano. Homenaxe a Urbano Lugrís, 2011, A Nave das Ideas.

Traducións

• As aventuras de David Balfour de Robert Louis Stevenson, con Vicente Araguas, 1986, Xerais.
• A revolta dos animais de George Orwell, 1992, Positivas.
• Mr. Vertigo de Paul Auster, 1996, Sotelo Blanco.
• Nove contos de J. D. Salinger, 1996, Sotelo Blanco.
• Se comes un limón sen facer xestos de Sergi Pàmies, 2008, Xerais.

Premios

• Accésit do Premio Miguel González Garcés no 1994, por Caderno dos dereitos e das horas.

Filmografía

Dentro do proxecto Un mundo de historias, dirixiu:

• A biblioteca da iguana, 2005.
• O bosque de Levas, 2006.
• A Mariñeira, 2007.
• O Club da Calceta, 2008.

Como produtor:

• Pataghorobí, 2005.

Véxase tamén

Ligazóns externas

• Biografía en BVG
• Ficha do autor na AELG
• Filmografía en AVG
• República da Multitude, Blog de Antón Dobao