Anser

Na Galipedia, a Wikipedia en galego.
Anser
Anser fabalis
Anser fabalis
Clasificación científica
Reino: Animalia
Filo: Chordata
Subfilo: Vertebrata
Clase: Aves
Orde: Anseriformes
Familia: Anatidae
Subfamilia: Anserinae
Xénero: Anser
Brisson, 1760 [1]
Especies
  • Véxase o texto

Anser é un xénero de aves anseriformes da familia dos anátidos e subfamilia dos anserinos coñecidos vulgarmente como gansos (aínda que hai outros gansos que pertencen a outros xéneros, como o ganso de Exipto, do xénero Alopochen, e varias especies do xénero Branta).

De dúas das súas especies, Anser anser e Anser cygnoides, derivan varias razas domésticas.

Especies[editar | editar a fonte]

O xénero Anser inclúe, segundo Peterson, 11 especies e diversas subespecies:[2]

Pero outros autores consideran só as sete primeiras arriba indicadas,[3] mentres que as tres últimas considéranas como pertencentes ao xénero Chen, e non consideran como especie a Anser serrirostris Swinhoe, 1871, que sería unha subespecie de Anser fabalis.[4]

Gansos domésticos[editar | editar a fonte]

Ganso doméstico.
Grupo de gansos domésticos, un deles un ganso de Guinea, e os outros, híbridos.

A domesticación dos gansos data da antigüidade. Hai evidencias arqueolóxicas de que tal proceso comezou no Antigo Exipto hai uns 5 000 anos.[5]

Os gansos domésticos de hoxe día descenden todos de dúas especies: as razas do oeste de Europa, do ganso bravo (Anser anser), e as razas asiáticas do ganso cisnoide ou ganso chinés (Anser cygnoides).

Estes dous parentes salvaxes dos gansos domésticos son orixinarios das zonas temperadas do hemisferio norte. O ganso bravo, o máis meridional dos gansos que se reproducen en Europa, conservouse polo home desde a época do neolítico. É o antepasado da maior parte das razas europeas de gansos.

O ganso cisnoide é orixinario de China e Mongolia. A pesar que foi domesticado hai uns 3 000 anos, en estado salvaxe segue a ser unha das especies de aves acuáticas subárticas menos estudadas.

A diferenza das galiñas, os gansos teñen a gran vantaxe de poderen ser criados unicamente a partir de proteínas procedentes das herbas. Os gansos teñen tendencia a consumir máis alimento do que necesitan, tendencia que foi explotada durante longo tempo tanto para a súa engorda como para facelos demasiado pesados para voaren.

Debido a que os gansos domesticados se reproducen libremente cos individuos salvaxes cando se encontran, a domesticación non resultou na creación de razas diferenciadas.[6]

O ganso chinés pode ser facilmente distinguíbel do europeo pola presenza dunha protuberancia na base do peteiro, aínda que os híbridos entre ambas as especies poden presentar unha gradación para a presenza e o tamaño da protuberancia.[7]

Os gansos domésticos foron seleccionados para ter un maior tamaño corporal que os seus parentes silvestres. Así, o ganso doméstico pode pesar até 10 kg, mentres que os silvestres chegan só até os 3,5 ou 4,1 kg, segundo as especies.[8] Este incremento no tamaño corporal afectou tamén á estrutura xeral do corpo, de modo tal que mentres que os gansos salvaxes teñen unha postura horizontal do tronco e o extremo posterior delgado, os gansos domésticos —ao depositaren gran cantidade de graxa cara á cola— presentan un extremo posterior máis gordo e pesado, o que os obriga a ter unha postura máis vertical. Ademais, esta característica tamén impide que os gansos domésticos poidan voar.[8]

Durante a domesticación tamén foron seleccionados para que incrementaran a súa fecundidade. De feito, as femias dos gansos domésticos poñen até 160 ovos por ano, mentres que as especies de ganso silvestre só poñen de 5 a 12.[5] [8]

Os cambios na cor da plumaxe, porén, foron variábeis. Algúns foron seleccionados para perder os tons castaño escuro característicos ds ave silvestre, o que deu como resultado animais completamente cubertos de plumas brancas (como o da fotografía arriba). Outros reteñen unha cor da plumaxe similar á das especies orixinais, como o ganso de Tolousse.[5]

Comparación entre os gansos silvestres e os domésticos
Anser cygnoides Anser anser
Ganso salvaxe Ganso chinés Ganso salvaxe Ganso doméstico
Anser cygnoides-Beijing.jpg Anser cygnoides (fl).jpg Greylag Goose - St James's Park, London - Nov 2006.jpg Domestic Goose.jpg
Postura horizontal
coa parte posterior delgada
Postura vertical
coa parte posterior grosa
e unha carúncula na base do bico
Tronco menos fino, e coxas grosas

Notas[editar | editar a fonte]

  1. SIIT
  2. Peterson, A. P. Zoonomen. Zoological Nomenclature Resource - Anseriformes
  3. xénero Chen Boie, 1822 en SIIT (en francés)
  4. Anseriformes en IOC World Bird List.
  5. 5,0 5,1 5,2 Hugo, S. (sen data): Geese: the underestimated species. FAO.
  6. Beate D. Scherf (ed.) (1997): Aves. Lista Mundial de Vigilancia para la Diversidad de los Animales Domésticos. (2ª ed.). FAO.
  7. Buckland, R. & Guy, G. (2002): Goose Production. Chapter 1: Origins and Breeds of Domestic Geese. FAO.
  8. 8,0 8,1 8,2 Carboneras, C., del Hoyo, J., Elliott, A., & Sargatal, J., eds. Handbook of Birds of the World Vol. 1: 581. Lynx Edicions, Barcelona. ISBN 84-87334-10-5

Véxase tamén[editar | editar a fonte]

Commons
Commons ten máis contidos multimedia na categoría: Anser
Wikispecies-logo.svg
Wikispecies posúe unha páxina sobre: Anser

Bibliografía[editar | editar a fonte]

  • Carboneras, Carles; del Hoyo, Josep; Elliot, Andrew & Sargatal, Jordi (1992): Family Anatidae (Ducks, Geese and Swans) Handbook of the Birds of the World. Volume 1. Barcelona (España):Lynx Edicions. ISBN 84-87334-10-5.

Outros artigos[editar | editar a fonte]

Ligazóns externas[editar | editar a fonte]