Anniken Huitfeldt

Na Galipedia, a Wikipedia en galego.
Anniken Huitfeldt

Anniken Huitfeldt, nada o 29 de novembro de 1969 en Bærum, é unha política norueguesa do Partido dos Traballadores Noruegueses

Anniken procede dunha antiga familia nobre de orixe dinamarquesa, os Huitfeldt e é sobriña do político conservador, Fritz Huitfeldt. Anniken medrou na pequena cidade de Jessheim, ó norte de Oslo. Entre 1996 e 2000 foi a líder da Liga de Traballadores Novos, as mocidades do Partido dos Traballadores.

No ano 1993 foi elixida deputada no Storting representando a Akershus, permaneceu ata 1997, en 2001 volveu de novo ó parlamento. Foi membro do Consello de Goberno de Save the Children (2001-2007). O 29 de febreiro de 2008 converteuse en ministra para a Infancia e a Igualdade no segundo gabinete de Jens Stoltenberg.