Annie Leonard

Annie Leonard é unha experta en materia de comercio internacional, cooperación internacional, desenvolvemento sostíbel e saúde ambiental estadounidense. Fíxose moi coñecida sobre todo polo seu documental A historia das cousas (The Story of Stuff), que trata sobre o ciclo vital de bens e servizos. Outros documentais que realizou posteriormete foron A historia dos cosméticos e A historia da auga embotellada, onde anima a que os consumidores esixan aos seus gobernos leis con produtos inocuos e respectuosos co medio ambiente.

Traxectoria

Leonard ten unha licenciatura do Barnard College e un título da Universidade de Cornell en planificación urbana e rexional. Protagoniza A historia das cousas, un documental sobre o ciclo de vida de bens e servizos. Ralph Nader denomina o documental "un modelo de claridade e motivación".

Leonard é coordinadora de Global Alliance for Incinerator Alternatives (Alianza Global para Alternativas á Incineración) e participa nas xuntas directivas do International Forum for Globalization e a Environmental Health Fund.

Anteriormente ocupou cargos co Health Care Without Harm (Coidado da Saúde Sen Dano), Essential Information (Información esencial) e Greenpeace, e actualmente é coordinadora do Grupo de traballo de Patrocinantes para a Produción e Consumo Sostíbeis En 1992 declarou frente ao Congreso dos Estados Unidos sobre o tema do tratamento internacional do lixo.

Leonard vive en California coa súa filla.

Véxase tamén

Ligazóns externas

• Story of Stuff (en inglés)
• A historia das cousas, en español, en Google Video
• Visión alternativa sobre o "Cap-and-Trade" (límite e comercio), que se estableceu no Protocolo de Kioto como o principal instrumento para reducir as emisións de gases de efecto invernadoiro