Aniversario

Na Galipedia, a Wikipedia en galego.

O aniversario dunha persoa é o aniversario do seu nacemento. En moitas culturas é costume celebrar o aniversario, por exemplo mediante unha festa con amigos, nas que se intercambian agasallos. As festas de aniversario son moi populares sobre todo entre os nenos. Son unha oportunidade máis para a socialización cos amigos e a familia. Nela, é costume entregar agasallos ao anfitrión e comer unha torta ou pastel ao cal lle son colocadas candeas, para que quen fai anos sopre e as apague mentres os convidados cantan algunha canción de aniversario, sendo entre as máis populares o Parabéns para ti.

Tradicións de países occidentais[editar | editar a fonte]

A tradición nos países de influencia occidental é cantar algunha canción de aniversario como a máis popular "Parabéns para ti" ou o "Feliz, feliz no teu día" e o "Ai, que noite tan preciosa" á persoa que fai anos. Isto acontece sobre todo nas festas de aniversario, aínda que non necesariamente. ás veces cántase algunha parodia da canción. En México, é costume cantar "As Mañanitas", e en ocasións adoita romper unha piñata repleta de doces ou xoguetes, sobre todo cando o festexado é aínda menor. Dependendo da sociedade e, xeralmente, da cantidade de diñeiro investida no evento, nunha festa de aniversario proporciónanse diversións, xogos e entretemento á parte da comida e refrescos; o evento comunmente vai acompañado con decoracións e globos.

Entre as diversións poden atoparse:

Tamén é costume (polo menos en España e Arxentina) tirar das orellas do "afortunado", unha vez por cada ano que fai. Noutros países (como os EUA) danse tantas nádegadás ou beliscos como anos teña. En Chile, quen fai anos recibe o popularmente coñecido manteo (algunhas persoas adoitan chamalo erroneamente malteo), o cal consiste en tomar as catro extremidades (brazos e pernas) do festexado entre catro persoas para logo levantalo tantas veces como anos ten.

Nena na súa festa de aniversario

Outro costume moi común é, nunha festa de aniversario, levar un gran pastel ou torta decorada con candeas. Suponse que o número de candeas é o mesmo que o de anos que fai a persoa, pero tamén é frecuente o uso de candeas especiais con forma de números.

Tamén, despois de apagar todas as candeas (e retiralas do pastel), pódese pedir a un tempo que o festexado achegue a cara ao pastel para que lle dea un bocado.

A persoa que celebra o seu aniversario a miúdo formula un desexo (nalgúns países tres) en silencio e posteriormente sopra as candeas. Se as sopra todas dun só alento, dise que os seus desexos se farán realidade. Segundo outra superstición, se revela os seus desexos entón non se cumprirán.

O que fai anos adoita recibir (e ás veces dar) agasallos.

Tamén existe a tradición de facer unha festa sorpresa. Os implicados finxen esquecer ou non saber que hai un aniversario, pero se presentan na casa do aludido ou nalgún lugar xa planeado para celebrar a festa.

Existe o costume de asociar unha pedra, quer a esmeralda, zafiro, etcétera, co mes de nacemento.

Pastel de aniversario

Astroloxía[editar | editar a fonte]

Os signos astrolóxicos, como os zodiacais, adoitan depender do aniversario de cada un, ou mesmo a hora de nacemento.

Aniversario especial[editar | editar a fonte]

Entre o aniversario especial atópanse os seguintes:

Curiosidades[editar | editar a fonte]

O costume de rodear a torta de candeas vén da antigüidade. O círculo de candeas formaba parte dun ritual que protexía o homenaxeado dos malos espíritos durante un ano. Isto causou durante anos que a igrexa católica considerase que a celebración do aniversario era un rito pagán.

Véxase tamén[editar | editar a fonte]