Angie Cepeda

Angie Cepeda
Nacemento	Angélica María Cepeda Jiménez 2 de agosto do 1974 (37 anos) Magangué, Colombia
Profesión	Actriz
Ficha na IMDb
Premios gañados Mellor Actriz (Viña del Mar 2003) Actriz Revelación (India Catalina 1994).

Angélica María Cepeda Jiménez, nada en Magangué o 2 de agosto de 1974, é unha actriz colombiana de cinema e televisión. Deuse a coñecer por televovelas como Luz María (1998) ou Pobre Diabla (2000), amba-las dúas emitidas en España pola TVE. Tamén ten traballado en series españolas como Vientos de Agua (2006) e a recente Los protegidos estrada ó 12 de xaneiro do 2010 por Antena 3.

Biografía

Comezos

Angie Cepeda criouse en Barranquilla. Os seus pais, José Cepeda e Yadhira Jiménez ambo-los dous avogados, estaban divorciados dende había ben tempo, polo que Angie medrou canda a súa nai e mai-las súas dúas irmás máis vellas Lorna e Ivette.

Carreira

Houbo un tempo en que Cepeda decidíu estudar edición, porén, ela descubriría a súa vocación no drama e mudouse a Bogotá vivir cunha tía. Angie comezou os seus cursos de drama, e foi contratada por unha compañía de cervexa e fixo algúns anuncios. Logo, ela foi interpretando en pequenos papeis en varias telenovelas e películas en Colombia.

A sorte chagaríalle cando Cepeda conseguíu un papel na telenovela Las Juanas, fronte Susana Torres, chamando a atención a produtores de televisión que lle ofrecerían emprego en novelas de horario prime time; unha delas sería o papel principal en Luz María (1998), xunta Christian Meier e Rosalinda Serfaty, eo seu papel protagonista como "Fiorella Morelli Flores de Mejía-Guzmán" en Pobre Diabla (2000), fronte Salvador del Solar e Santiago Magill.

A pesar do éxito no eido das telenovelas, sobre todo en Luz María e Pobre Diabla, amba-las dúas telenovelas Peruanas, as cales dérona a coñecer internacionalmente, o seu degoxo era facer cinema, que é o que máis lle gusta, ela afirmou deixar o mundo das telenovelas para se adicar por enteiro ó cinema.

A súa primeira intervención no mundo cinemático foi cun pequeno papel no filme Ilona llega con la lluvia (1996). O seu primeiro protagónico chegou da man do diretor peruano Francisco Lombardi quen a convenceu de retratar unha prostituta chamada "La Colombiana" en Pantaleón y las visitadoras (2000). Foi un grande éxito en Colombia, España, Perú e Arxentina e recibiu boas críticas pola súa eficaz actuación. Ela tamén tivo enormes eloxios pola súa beleza e sensualidade debido á nudez e escenas quentes de sexo na película co Salvador del Solar.

Cepeda protagonizou Il paradiso all'improvviso (2003), filmada en Italia, Samy y yo (2002), e Pantaleón y las visitadoras (2000), polo que recibiu críticas moi favorábeis. Antes de pular ó cinema, Angie foi unha actriz de éxito en telenovelas. Con Love for Rent estréase falando inglés nun filme.

Vida persoal

É a irmá máis nova da tamén actriz colombiana Lorna Paz (Yo soy Betty, la fea). Cepeda tivo unha relación co cantante Diego Torres. Ela tenta estar xunto coa súa sobriña e sobriño o máis tempo posible. Mide 1.65 cm e prefire vivir soa.

Filmografía

Filmes

• Ilona llega con la lluvia (1996)
• Pantaleón y las visitadoras (2000)
• Leyenda de Fuego (2001)
• El destino no tiene favoritos (2002)
• Sammy and me (2003)
• Il paradiso all´improvviso (2004)
• Love for Rent (2005)
• Oculto (2005)
• El Muerto (2007)
• Love in the Time of Cholera (2007)
• Passing By (2008)
• El Mal Ajeno (2008)
• El Pibe (2009)

Telenovelas e seriais

• La Maldición del Paraíso (1993)
• Crónicas de una generación trágica (1993)
• Solo una mujer (1995)
• Candela(1996)
• Las Juanas (1997)
• Luz María (1998)
• Pobre Diabla (2000)
• Vientos de agua (2005)
• Fuera de Lugar (2008)
• Los protegidos (2009)

Ligazóns externas

• Web oficial
• Twitter oficial de Angie Cepeda
• Páxina oficial en Facebook
• Canle oficial en Youtube
• Canle oficial en Vimeo
• Modelo:Imdb
• Entrevista en Los Protegidos Web