Na Galipedia, a Wikipedia en galego.
"Aneurysm" é unha canción da banda estadounidense de grunge Nirvana. O tema destaca por ter sido escrito por todos os membros da banda, a diferencia da meirande parte das cancións, compostas polo seu líder Kurt Cobain. Unha enquisa feita pola BBC Radio 1 no ano 2000 elexíuna como terceira mellor canción de Nirvana, despois de "Smells Like Teen Spirit" e "Heart-Shaped Box".
A versión orixinal de estudio apareceu como cara-b do sinxelo "Smells Like Teen Spirit" en 1991, e tamén no EP Hormoaning, aparecido en Australia e Xapón en 1992. Esta sería incluída no box set de rarezas With the Lights Out, lanzado no ano 2004.