Andrés do Barro
| Andrés do Barro | |
|---|---|
 O cantante galego Andrés do Barro conseguiu que por vez primeira unha canción galega fose n.º 1 no Estado |
|
| Nome completo | |
| Alias | |
| Naceu | 1 de outubro de 1947 |
| Orixe | Pontedeume  |
| Morreu | Madrid 22 de decembro de 1989 |
| Ocupación (s) | cantante |
| Xénero | |
| Instrumento(s) | |
| Tipo de voz | |
| Selo(s) discográfico (s) | |
| Relacionado con | |
| Tempo en activo | |
| Web | |
Andrés Lapique do Barro, nado en Pontedeume o 1 de outubro de 1947 e finado en Madrid o 22 de decembro de 1989[1], foi un cantante e actor galego.
Índice |
Traxectoria [editar]
Naceu no seo dunha familia da Armada Española. No entanto, os pasos de Andrés non se decantaron pola vía militar, senón pola música.
Coñecido popularmente como Andrés do Barro, ten o mérito de ser dos primeiros cantantes que usaron o galego na ditadura franquista, coas dificultades que levaba implícito. Porén, os manifestos atrancos para a expresión musical en galego non impediron que un sinxelo seu chamado "O tren" se situase como número un nas principais cadeas radiofónicas estatais.
Esta circunstancia, insólita por aqueles anos para unha lingua que nin tan sequera recoñecera un estatus de oficialidade, provocou que o franquismo o intentase asimilar. Nesta tarefa, o sistema da ditadura contou con tres vantaxes:
- a aparente carencia de mensaxe nas letras de Do Barro (algunhas delas, compostas polo escritor Xavier Alcalá, compañeiro de xogos en Pontedeume).
- a aparición de ofertas para Do Barro cantar en castelán, e mesmo un papel protagonista no filme La red de mi canción (ás ordes de Mariano Ozores e con Concha Velasco, nunha aventura cinematográfica que fracasou).
- a centralización dos medios de comunicación estatais en Madrid (e en consecuencia a inexistencia das actuais radios e televisións autonómicas) que convertía á RTVE no único vehículo que tiñan os artistas para se dar a coñecer, mais coa vantaxe de poder ter difusión en todo o Estado.
Discografía [editar]
- Me Llamo Andrés Lapique do Barro (LP 1970)
- Señora Mia (LP 1975)
- ¡Pum! (LP 1975)
Notas [editar]
- ↑ El cantante Andrés Dobarro muere en la penuria económica en El País. (en castelán)
Véxase tamén [editar]
Outros artigos [editar]
- Manifesto Dobarrista, disco homenaxe a Andrés do Barro.
