Anders Beer Wilse

Anders Beer Wilse

Biografía
Nacemento	12 de xuño de 1865 Flekkefjord, Noruega (pt)
Morte	21 de febreiro de 1949 (83 anos) Oslo, Noruega
Lugar de sepultura	Kragerø kirkegård (en)
Datos persoais
País de nacionalidade	Noruega
Actividade
Ocupación	fotógrafo
Período de actividade	1886 - 1938
Familia
Fillos	Robert Charles Wilse (en)
Irmáns	Jacob Nicolai Wilse (en)
Premios  Kongens fortenestemedalje

Anders Beer Wilse en 1892 en Seattle

Anders Beer Wilse, nado en Flekkefjord o 12 de xuño de 1865 e finado en Oslo o 21 de febreiro de 1949, foi un fotógrafo noruegués, coñecido por documentar Noruega na primeira metade do século XX.

Traxectoria

Anders era fillo do enxeñeiro civil Lauritz Marius Wilse e de Karoline Dorothea Beer, medrou na vila de Kragerø, e xa navegaba desde os trece anos, graduándose na Horten Tekniske Skole de Horten en 1882. En 1884 emigrou aos Estados Unidos e alí en 1886 mercou a súa primeira cámara. Nese país traballou como enxeñeiro ferroviario e cartógrafo para a Servizo Xeolóxico dos Estados Unidos. En 1897 estableceu un negocio de fotografía en Seattle e en 1901 volveu a Noruega coa súa dona e os seus fillos, establecido en Cristianía dedicouse por enteiro á fotografía. Polo seu traballo mereceu en 1925 a Medalla do Mérito Real en ouro. Tamén publicou os libros 1936 En emigrants ungdomserindringer (1936) e Norsk landskap og norske menn 1943.

Actividade fotográfica

Anders viaxou por toda Noruega captando paisaxes e motivos turísticos, na procura da beleza como motivo postal e tamén da idílica vida rural, chegando coa súa cámara de 10 kg ata os lugares máis inaccesibles, mesmo ata Svalbard. Contou coa axuda do seu fillo Robert Charles Wilse que herdou o negocio familiar ata o seu peche en 1957/58. A partir de 1909 deu tamén conferencias sobre a vida norueguesa a partir das súas fotografías e tamén fotografou a numerosos personaxes coñecidos da vida artística, social e política norueguesa.

Arquivo fotográfico de Wilson

Wilse mercou fotografías do de Axel Lindahl tiradas nas décadas de 1880 e 1890, utilizándoas canda as súas. Logo da desaparición do seu negocio fotográfico o arquivo fotográfico de Wilse consistía en 200.000 negativos, que se venderon esparexéndose por varios museos e coleccionistas. O Museo do Pobo Noruegués conta coa meirande colección de Wilse, con 86.000 negativos e 369 álbums. O Museo da Cidade de Oslo ten unha gran colección de fotografías de Oslo e o Museo Marítimo Noruegués de navíos. A Biblioteca Nacional de Noruega conta con retratos. Tamén hai arquivos de Wilson no Museo Preus, no Museo Técnico Noruegués e no Museo Nacional de Arte, Arquitectura e Deseño. Manteñen arquivos dixitais o DigitaltMuseum, Oslobilder e Galleri NOR.

Fotografías

• 
  Fotografía de Wilse na súa etapa norteamericana, 1900.
• 
  Fotografía de 1905, coloreada a man por Wilse
• 
  Estación de Nesttun, 1907.
• 
  Pescadores en Jelsa, 1912.
• 
  Roald Amundsen en Svalbard, 1925.
• 
  Knut Hamsun, 1927.
• 
  Igrexa de Granvin, 1927
• 
  Soldados noruegueses, 1928.
• 
  Igrexa de Eid (Nordfjord), 1931.
• 
  A actriz Aase Bye, 1932.
• 
  O príncipe herdeiro Harald coa súa familia
• 
  NSB clase 66, 1945.
• 
  Baleeiro británico con base en Noruega, 1949.

Ligazóns externas

• Wilse en DigitaltMuseum
• Wilse en Galleri NOR
• Wilse en fotohistorie.no