Anari

Na Galipedia, a Wikipedia en galego.
Anari
Anari.JPG
Orixe Azkoitia, Guipúscoa, Euskadi Flag of the Basque Country.svg
Período 1997-
Xénero(s) rock
folk
post-rock
Selo(s) discográfico(s) Esan Ozenki, Metak
Web oficial [1]

Ana Rita Alberdi, coñecida como Anari, nada en Azkoitia (Guipúscoa), en 1970, é unha cantante e compositora vasca.

Traxectoria[editar | editar a fonte]

Debutou en 1997, manténdose en activo. Editou tres discos en solitario e un disco en colaboración co músico navarro Petti. Os seus discos recibiron excelentes críticas, e comparóuselle con PJ Harvey (a "PJ Harvey vasca"), Cat Power ou Nick Cave[1].

Exerce como profesora de lingua e literatura hispánicas e filosofía nun instituto de educación secundaria de Villafranca de Ordicia.

Historia[editar | editar a fonte]

Os seus primeiros pasos na música deunos como batería no grupo Psych Out (xunto con membros de Akauzazte), con letras en inglés. Decide adoptar o euskera como forma de expresión, debutando en 1997 cun disco homónimo no que colaboran Mikel Abrego (batería de BAP!! e Negu Gorriak, entre outros), Xabi Strubell (guitarra de Dut) e un elenco de músicos vascos que seguirán acompañando a Anari nos seus posteriores discos. As letras inspíranse en textos de Hans Magnus Enzensberger, Eduardo Galeano, Joseba Sarrionaindia ou Ruper Ordorika. O disco é un éxito de crítica.

O seu segundo álbum non chegou ata o ano 2000. Nesta ocasión cedeulle a Kaki Arkarazo o papel principal na produción. Volveron colaborar Mikel e Xabi, ademais do propio Kaki, Drake (baixista de Bap!!), Ruper Ordorika, Mikel Azpiroz o Petti (con quen acabaría publicando o split Anari ta Petti en 2003). O disco volveu ser un éxito de crítica, alcanzando a lista dos mellores discos nacionais de 2000 segundo a revista musical catalá Rockdelux. Esta mesma revista concedeulle en 2004 o posto número 77 na lista dos "100 mellores discos españois do século XX".

Ata 2005 non apareceu o seu terceiro e máis aclamado traballo, Zebra. Nel comeza unha colaboración con Karlos Osinaga (de Amodio e ex-Lisabö), que é quen se encarga esta vez da produción. O disco gravouse nos estudios "Bomberenea" de Tolosa, situados nunha casa okupada desta localidade. Volven aparecer Drake e Mikel, ademais de Karlos ou Rober! (cantante de Atom Rhumba). O disco é aclamado unanimemente pola prensa musical especializada.

A inseguridade que sente no escenario ou á hora de compor fixeron que Anari se prodigase pouco, tanto en directo, tocando puntualmente e non realizando nunca unha gran xira estatal, como en estudio.

Discografía[editar | editar a fonte]

Álbums[editar | editar a fonte]

  • Anari (Esan Ozenki, 1997). CD.
  • Habiak (Esan Ozenki, 2000). CD.
  • Zebra (Metak, 2005). CD.

Splits[editar | editar a fonte]

  • Anari ta Petti (Metak, 2003). CD de catro cancións que xurdiron da colaboración entre Anari e Petti.

Participacións en recompilatorios[editar | editar a fonte]

  • "Postariarena" en Ikastola Berria Eraiki Dezagun Zuberoan (Esan Ozenki, 1997). CD recompilatorio para recadar fondos para a ikastola de Sohuta no País Vasco Francés.
  • "Muga kanta" en Acuarela songs (Acuarela, 2004).
  • "Habiak" en The Rockdelux Experience. 23.11.2004 (Sinedín-Rockdelux, 2005). CD do concerto de celebración do 20 aniversario da revista musical catalá Rockdelux.

Outras colaboracións[editar | editar a fonte]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]