American Chopper

Na Galipedia, a Wikipedia en galego.
American Chopper
American Chopper 75873.jpg
Mikey (á esquerda), Senior e Paulie Teutul na presentación da "Patriot Chopper"
Xénero Reality Show
Formato Documental
Intérpretes Paul Teutul (pai)
Paul Teutul (fillo)
Michael Teutul (fillo)
Rick Petko (metal)
Jason Pohl (deseñador)
Vincent DiMartino (mecánico)
Jim "JQ" Quinn (técnico)
Cody Connelly (bolseiro)
Mike Ammirati (mecánico)
País de orixe Estados Unidos de América Estados Unidos
Lingua(s) Inglés
Número de temporadas seis
Episodios 165
Produción
Produtor(es) Pilgrim Films & Television
Localización(s) Newburgh, Nova York
Duración 42 minutos
Distribuidor Debmar-Mercury
Emisión orixinal
Canle de orixe Discovery Channel
(2003–2007)
TLC
(2008–2010)
Formato de imaxe 1080i (HDTV)
Emisión 31 de marzo de 2003 – 11 de febreiro de 2010
Cronoloxía
Seguido por American Chopper: Senior vs Junior
Ligazóns externas
Discovery Channel Páxina web

American Chopper é unha serie de televisión en formato reality documental sobre a empresa familiar dos Teutul: Orange Country Chopper (OCC) que fabrica motos no estado de Nova York, condado de Orange. A serie é emitida por Discovery Channel e está producida por Pilgrim Films & Television.

Os protagonistas[editar | editar a fonte]

Tenda de OCC.

A serie baséase na familia Teutul e a súa empresa Orange Country Chopper.

Pai Fillo Fillo
Paulsr.jpg Pauljr.jpg Mikey Teutul.jpg
Paul Teutul Paul Teutul Mikey Teutul

Nos inicios a empresa estaba formada tamén polo terceiro fillo de Teutul, era unha empresa metalúrxica. Ista empresa quedou no negocio do traballo co metal en xeral e fora da serie aínda que ten aparecido en algún dos episodios. OCC foi nos seus inicios un obradoiro de motos na garaxe de Teutul pai á cal fóronse incorporando maís persoas algunhas das cales aparecen na serie e outras son só empregados do obradoiro e a tenda.

  • Paul Teutul é o fundador, propietario e director da empresa. Nos inicios só traballaba no obradoiro. Un pequeno negocio mecánico que evolucionou ca súa afición polas motos. Agora fai funcións de dirección, supervisión e faise cargo do contacto cos clientes. Tamén adícase a meter presión no traballo e lembrar os curtos prazos que hai para rematar o traballo.
  • Paul Teutul fillo é o mecánico e construtor das motos. Fai funcións de xefe de obradoiro pero sempre supeditado ao seu pai que dirixe tódolos aspectos do negocio e ten a última palabra en todo. Parte da empresa é de seu.
  • Mikey Teutul non ten función fixa na empresa, nalgún episodio tense barallado a posibilidade de darlle algún posto con funcións e contrato pero a falta de continuidade e non ser quen de centrarse rematan facendo as súas participacións esporádicas e a ser un xeito de rapaz gracioso que tenta mediar nas liortas familiares e como axudante a manter un ambiente soportable na empresa.
  • Vinnie (Vincent DiMartino) é unha das primeiras incoporacións da empresa. Foi traído á empresa por Teutul fillo. Fai de mecánico, electricista, axuda en deseño e traballa en tódolos proxectos. Nos inicios era un traballador máis. Foi aprendendo no obradoiro o traballo. As súas funcións son en moitas ocasións facer de colchón entre as constantes liortas familiares sen entrar en ningunha e manterse nun nivel o máis profesional posible. En 2007 deixou a serie sen moitas explicacións, parece ser que por motivos persoais e pola presión do traballo. Posteriormente volveu á serie cando Teutul fillo abriu o seu propio negocio deixando OCC. Referíndose a el entón Teutul pai declarou que fora botado de OCC.
  • Ricky (Richard Petko) é o mecánico especialista en traballo co metal. En moldeado de chapa e soldadura. Tenta manterse á marxe das liortas familiares. Ten unha estética simiar á de Teutul pai pero máis profesional.
  • Jason (Jason Gabriel Pohl) é o deseñador da empresa. Incorporado á empresa para plasmar as ideas de deseño de Teutul fillo e facer de enlace cos clientes. O seu traballo é de aportar ideas gráficas e estéticas, non de deseño técnico nin para produción. Foi incorporado ao proxecto despois de que varios clientes rexeitasen as motos xa feitas por non ser como eles desexaban. Dende entón os proxectos deben ser primeiro deseñados, logo amosados aos clientes para a súa aprobación e finalmente construídos segundo as especificacións.
  • Jim "JQ" Quinn, é o técnico da empresa. Encárgase da maquinaria programable (CNC) e fai funcións de enxeñeiro. A súa laboura foi necesaria ao incorporar maquinaria de corte por chorro de auga e ao ter que facer na empresa traballos cada vez máis complexos que deixaron de subcontratarse.
  • Cody (Cody Connelly) foi un xove bolseiro que saiu en algúns episodios (entón tiña 19 anos). Viña a ser como o protexido do taller ao que todos tentaban axudar, integrarse e aprender o chollo. Terminou deixando a empresa por diversas inadaptacións cos protagonistas e por non encaixar ca produtora.

Historia[editar | editar a fonte]

Sede de OCC.

Nos inicios a produtora buscou varias empresas do sector. Pequenas empresas, cas que se rodaron episodios piloto. Ao final elixiron OCC. Como explicaron na produtora OCC encaixaba como empresa familiar, a estética o ambiente no traballo (dende o inicio con constantes liortas) e a personalidade de Teutul pai, un vello moteiro metido a empresario cheo de tatuaxes. No primeiro episodio emitido xa víase a constante tensión no traballo. E iso foi o que emitiron. Teutul pai ten contando como ao ver o primeiro episodio pensara en coller un avión e presentarse na produtora para mallar a alguén. A boa acollida da serie terminou xustificando o enfoque que foi aceptado polos que participan nela.

Esa constante tensión no traballo, a presión da produción, as viaxes por todo o mundo para promocionar o traballo deron co enfrentamente final entre Teutul pai e fillo. Tras botar aos cámaras da empresa para discutir co seu pai e acusalo de quedar cos cartos da empresa (Teutul pai ten o 80% da empresa e o fillo o 20%) Teutul fillo deixou a empresa. Despois dun ano do fin da cláusula de non competencia, Paul fillo abriu a súa propia empresa de deseño de motocicletas en abril de 2010 (Paul Jr. Design). TLC emitiu unha sétima tempada titulada American Chopper: Senior vs Junior na que se amosan os deseños das dúas empresas e a competencia nalgún caso suxa entre elas.

Tempadas[editar | editar a fonte]

Tempadas Episodios Primeira emisión
Inicio Final
Pilotos e Especiais 18 29 de setembro de 2002 -
Primeira 15 31 de marzo de 2003 15 de decembro de 2003
Segunda 23 14 de xaneiro de 2004 6 de decembro de 2004
Terceira 20 31 de xaneiro de 2005 24 de outubro de 2005
Cuarta 37 9 de xaneiro de 2006 18 de outubro de 2007
Quinta 26 17 de xaneiro de 2008 30 de outubro de 2008
Sexta 26 9 de abril de 2009 11 de febreiro de 2010
Total 165 29 de setembro de 2010 11 de febreiro de 2011

Notas[editar | editar a fonte]