Amadou-Mahtar M'Bow

Na Galipedia, a Wikipedia en galego.

Amadou-Mahtar M'Bow, nado en Dakar en 1921, é un profesor e político senegalés. Foi Director Xeral da UNESCO entre 1974 e 1987.

Realizou os seus estudos en París, volvendo a Senegal para exercer como profesor de Xeografía e Historia. Ocupou o cargo de director do Departamento de Educación Básica do seu país entre 1952 e 1957. Ministro de Educación e Cultura entre 1957 e 1958 e de Educación Nacional tra-la independencia (1966-1968) así como de Xuventude e Cultura (1968-1970).

Formou parte do Consello Consultivo da UNESCO en 1966. En 1974 foi nomeado Director Xeral, cargo que ocupou durante dous mandatos.


Predecesor:
René Maheu
Director xeral da UNESCO
1974 - 1987
Sucesor:
Federico Mayor Zaragoza