Alto do Fiouco
Coordenadas: 43°23′00″N 7°22′19″O / 43.383333333333, -7.3719444444444
O Alto do Fiouco é un colado situado a 698 m de altitude na xuntura do Cordal de Neda coa serra de Lourenzá. Separa a bacía do río Masma (vertente cantábrica) da do río Miño (vertente atlántica) e comunica as parroquias de Argomoso (Mondoñedo) e Cadavedo (A Pastoriza). Recibe o seu nome polo Cristo do Fiouco, un cruceiro teitado á beira da estrada que o atravesa.
A autovía A-8 pasa lonxitudinalmente polo Fiouco no punto quilométrico 547, no tramo entre Lindín (Mondoñedo) e A Carreira (Abadín).
No alto do Fiouco produciuse un accidente multitudinario o 26 de xullo de 2014, no que perdeu a vida unha persoa[1][2] e se viron implicadas varias decenas de coches a causa da néboa. Ten sona precisamente debido a estar o paso da autovía pechado con frecuencia[3], pois segundo un estudo[4][5] preto do 10% do tempo ten unha visibilidade menor de 50 m. O motivo principal da néboa na zona é o arrefriamento do aire húmido procedente da costa, denominado efecto Föhn.[4][6]
A néboa era un fenómeno longamente coñecido no lugar antes da construción da autovía. A raíz do accidente, o Ministerio de Fomento habilitou diversas medidas provisionais e está a desenvolver un proceso para tentar evitar a néboa e os numerosos peches do servizo da autovía.[7]
Notas[editar | editar a fonte]
- ↑ "La Audiencia no aprecia que hubiera delito en el atropello mortal de la A-8". Consultado o 21/05/2016.
- ↑ "El choque en cadena de la A-8 pudo tener el alcance del de Angrois". Consultado o 21/05/2016.
- ↑ XAVIER LOMBARDERO (8 de agosto de 2016). "Cortada otra vez la A-8 por la niebla en O Fiouco". Consultado o 8 de agosto de 2016.
- ↑ 4,0 4,1 "CONDICIONES PARTICULARES PARA LA CARACTERIZACIÓN DEL FENÓMENO DE FORMACIÓN Y PROPAGACIÓN DE LA NIEBLA EN EL ALTO DE O FIOUCO" (PDF). Consultado o 21/05/2016.
- ↑ "Informe meteorológico final" (PDF). Consultado o 21/05/2016.[Ligazón morta]
- ↑ "O Fiouco, néboa explicada (que non resolta)". Consultado o 21/05/2016.
- ↑ "Fomento inicia una ronda de reuniones para posibles soluciones innovadoras contra la niebla en la A-8 entre Mondoñedo y Careira". Consultado o 21/05/2016.[Ligazón morta]