Alternativa Canguesa de Esquerdas
| Alternativa Canguesa de Esquerdas (ACE) | |
|---|---|
| Coalición política de Cangas (Galicia) | |
 | |
| Dirixentes e organización | |
| Líder | Mariano Abalo (Voceiro) |
| Historia | |
| Fundación | 2007 |
| Posicións políticas | |
| Ideoloxía | Esquerda Socialismo Nacionalismo Comunismo Independentismo |
| Representación | |
| Concelleiros en Cangas | 4 / 21 |
| Outros datos | |
| Na rede | |
| www.acesquerdas.org | |
A Alternativa Canguesa de Esquerdas (ACE) é unha coalición política de Cangas do Morrazo que se presentou ás eleccións municipais do 27 de maio do 2007 ás do ano 2011 e ás do ano 2015.
Etapas anteriores[editar | editar a fonte]
Mariano Abalo Costa, funcionario do Servizo de Correos, encabeza a lista da ACE, foi presidente da Xestora Municipal, deputado provincial e leva de concelleiro en Cangas pola FPG dende 1999.
A FPG, acadou 645 e 967 votos nas eleccións municipais de 1999 e 2003 respectivamente, logrando un concelleiro en ambos casos.
O número dous na lista é Xosé Manuel Pazos Varela, profesor, ex-parlamentario e anteriormente cabeza de lista de INMO (Iniciativa Polo Morrazo), partido que acadou en Cangas 422 votos e ningún concelleiro nas eleccións municipais do 2003 e que este ano non se presenta alí (aínda que si en Moaña).
Pola súa parte, Esquerda Unida acadou 327 e 496 votos, en 1999 e 2003 respectivamente.
Estrutura interna[editar | editar a fonte]
A ACE é un reagrupamento de xentes de esquerda de Cangas.
Está conformada polos seguintes grupos ou partidos políticos:
- FPG
- Esquerda Unida
- PCPG
- Persoas independentes.
Resultados electorais[editar | editar a fonte]
Nas eleccións municipais do 27 de maio de 2007 acadaron en Cangas 1.890 votos, sendo o 13,1% dos votos, e 2 concelleiros e 1 concelleira sobre un total de 21.
No ano 2011 acadarían 1.744 votos, o que supuxo o 12,77% dos sufraxios, mantendo 2 concelleiros e unha concelleira.
No ano 2015 acadou 2.268 votos, o que supuxo o 17,14 % dos sufraxios e 4 concelleiros.
Goberno[editar | editar a fonte]
Nas eleccións de 2007, por decisión da asemblea aberta de veciñas e veciños, a Alternativa Canguesa de Esquerdas negociou co BNG e co PSOE (que acadaran 6 e 4 edís, respectivamente) o goberno do municipio.
Mariano Abalo Costa ocuparía o posto de Concelleiro de Urbanismo, o número dous da Alternativa, Xosé Manuel Pazos Varela sería o encargado da Concellería de Cultura e Educación, mentres que a número tres da coalición, Maruchi Álvarez Barreiro tomaría a delegación da Concellería de Persoal.
O 28 de xaneiro de 2010 rompíase dito pacto (a decisión da mesma asemblea aberta) polos supostos ataques do BNG contra as competencias dos edís de ACE [1] e polo coloboracionismo dos nacionalistas cos promotores do porto deportivo de Massó. Ficaba, entón o bipartito nun goberno de minoría, non reclamado polo PP.
A Alternativa Canguesa de Esquerdas continua na oposición dende a ruptura do pacto de gobernoas até a actualidade, xa que nas eleccións de 2011, por mor da perda de votos do Bloque Nacionalista Galego e do PSOE, que repercutirían sobre o PP e UPAC, facilitouse o acceso ao goberno destas dúas forzas conservadoras.
No ano 2015 tras quedar 2º nas eleccións, ACE fíxose coa alcaldía grazas ó apoio dos 4 concelleiros do BNG e os 3 de ASpuN. Deste xeito Xosé Manuel Pazos Varela acolleu o título de alcalde. ACE fíxose coas concellerías de urbanismo ,mocidade e voluntariado e ,medioambiente e turismo.
Notas[editar | editar a fonte]
- ↑ "O proxecto do porto de ¨Massó¨ dinamita o Goberno de Cangas. Galicia Hoxe". Arquivado dende o orixinal o 07 de maio de 2016. Consultado o 10 de setembro de 2012.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- Alternativa Canguesa de Esquerdas Alternativa Canguesa de Esquerdas
- Cangas non se vende Foro Social pola Defensa do Pobo