Algeciras
Coordenadas: 36°08′N 05°27′W / 36.133°N 5.45°W
| Algeciras | |
|---|---|
 |
 |
| Situación xeográfica | |
.png) |
|
| Estado: |  España |
| Comunidade Autónoma: | Andalucía |
| Provincia: | Cádiz |
| Comarca: | Campo de Xibraltar |
| Xeografía | |
| Altitude: | 20 (máx. 785) msnm |
| Superficie: | 86 km² |
| Poboación | |
| Poboación total: | 116.209 hab. (2009) |
| Densidade de poboación: | 1.351,27 hab./km² |
| Xentilicio: | Alxecireño, ña |
| Información | |
| Código postal: | 11200-11209 |
| Alcalde: | José Ignacio Landaluce Calleja (PP) |
| Sitio na web: | www.algeciras.es |
Algeciras é unha cidade e municipio do sur de España, situado no Campo de Xibraltar, provincia de Cádiz, Andalucía.
Está situada na baía de Algeciras, un enclave xeográfico estratéxico por acharse no estreito de Xibraltar, lugar de contacto entre o mar Mediterráneo e o océano Atlántico. Esta situación fixo que posea o porto marítimo con maior tránsito de persoas e mercancías entre Europa e África, concretamente entre España e Marrocos[1].
Algeciras con 115.333 habitantes é o duodécimo municipio de Andalucía e o terceiro da provincia en termos poboacionais, tras Jerez de la Frontera e Cádiz respectivamente, aínda que as tendencias demográficas do padrón indican que avantaxará á capital provincial ao redor de 2013.[2]
Índice |
Toponimia [editar]
O nome Algeciras procede do árabe الجزيرة الخضراء Al-Yazira al-Jadrā', "a illa verde", pola illa que se encontraba na súa costa antes de ser anexionada polo porto.[3] Tamén podería proceder de الجزائر Al-Yazā'ir ("as illas"). Este nome naceu no ano 711 cos primeiros musulmáns que chegaron á Península Ibérica. Anteriormente, na época romana a cidade situada no que actualmente é o centro da cidade denominouse Iulia Traducta, nome que fai referencia a que foi poboada por disidentes ao imperio romano procedentes de Tánxer. Aparece designada tamén como Tingentera, interpretada como Tingis altera ou "a outra Tingis", e como Iulia Ioza en púnico.[4]
O xentilicio é "algecireño-a" e procede do nome castellano de Algeciras. Como outras cidades da zona (La Línea, Xibraltar, Ceuta, etc.) os seus cidadáns teñen un xentilicio particular popular, así aos alxecireños chámanselle "especiales", segundo pode ser, porque na zona dábase no pasado un viño chamado Especial.
Demografía [editar]
| 1920 | 1930 | 1940 | 1950 | 1960 | 1970 | 1981 | 1991 | 2000 | 2008 |
|---|---|---|---|---|---|---|---|---|---|
| 19.417 | 21.431 | 25.671 | 52.732 | 66.317 | 81.662 | 86.042 | 101.556 | 104.087 | 115.333 |
Economía [editar]
Algeciras é o motor comercial da comarca. As súas industrias principais son a petroquímica e a pesca. O porto de Algeciras é o máis importante de España en tráfico total de mercadorías, cun movemento total de 74,8 millóns de toneladas en 2008.[5]
Lugares de interese [editar]
Arqueoloxía [editar]
- Fornos Romanos de El Rinconcillo
- Factoría de salgaduras da rúa San Nicolás (s.I)
- Restos da Mezquita Aljama (s.VIII)
- Parque Arqueolóxico das Murallas Meriníes (s.XIII)
Arquitectura civil [editar]
- Praza Alta de Algeciras
- Praza Juan de Lima
- Vila Vella de Algeciras
- Acueduto de Algeciras
- Mercado de abastos de Algeciras
- Escola de arte
Arquitectura relixiosa [editar]
- Capela de Nosa Señora de Europa
- Igrexa de Nosa Señora da Palma
- Capela da Caridade
- Capela do Santo Cristo da Alameda
Zonas verdes [editar]
- Parque María Cristina
- Parque das Acacias
- Parque do Saladillo
- Parque do Centenario
Cultura [editar]
- Museo municipal de Algeciras
- Museo de Arte Sacra
- Teatro Florida
- Fundación Municipal de Cultura José Luis Cano
Fillos ilustres [editar]
Notas [editar]
- ↑ Memoria anual do Porto de Algeciras 2008
- ↑ "Jerez crece de nuevo en número de habitantes y Cádiz sigue su descenso: Algeciras será la segunda del territorio en sólo cinco anos", artigo en La Voz Digital (en castelán).
- ↑ Henrique Florez (1752). España Sagrada: Theatro geographico-histórico de la Iglesia de España. pp. 36.
- ↑ Pascual Madoz (1845). Diccionario geográfico-estadístico-histórico de España y sus posesiones de Ultramar.
- ↑ O porto de Algeciras segue liderando o Sistema Portuario Español
Véxase tamén [editar]
Ligazóns externas [editar]
- Concello de Algeciras (en castelán).
- Arquivo Municipal de Algeciras (en castelán).
- Autoridade Portuaria da Baía de Algeciras (en castelán).
