Alfredo Oscar Saint-Jean

Na Galipedia, a Wikipedia en galego.

Alfredo Oscar Saint-Jean (1926-1987) foi un militar arxentino que ocupou brevemente a presidencia da Nación durante a última ditadura militar tras a renuncia de Leopoldo Galtieri. Saint-Jean estivera á fronte da secretaría xeral do exército e da carteira de Interior durante o goberno de Galtieri, desde a cal fora responsable da represión policial da manifestación "Paz, pan e traballo".

Tras a caída de Galtieri o 17 de xuño de 1982, debida á derrota arxentina na Guerra de Malvinas, Saint-Jean padeceu o desprestixio asociado á pobre actuación das forzas terrestres no conflito armado. O disenso interno entre o representante do exército na Xunta Militar, o entón xeral Cristino Nicolaides, e os xefes da armada, Jorge Isaac Anaya e da aviación, Basilio Lami Dozo, permitiulle ocupar interinamente o cargo de Presidente ata o nomeamento o 22 de xuño de Reynaldo Bignone, quen asumiu inmediatamente o cargo, anunciando o inicio do proceso de entrega do poder ás autoridades civís.

Saint-Jean foi procesado pola comisión de 33 delitos nos distintos cargos que ocupou, sobre todo como xefe da Subzona 12, centro e oeste da provincia de Buenos Aires. Quedou en liberdade pola aplicación das leis de Punto Final e Obediencia Debida.

Predecesor:
Leopoldo Galtieri (de facto)
Gobernante de facto, autotitulado presidente
1982
Sucesor:
Reynaldo Bignone (de facto)