Alfredo Deaño

Alfredo Deaño Gamallo, nado en Ribadeo o 6 de marzo de 1944 e finado en Madrid o 24 de xaneiro de 1978, foi un filósofo e lóxico galego.

Traxectoria

Foi profesor na Universidade de Oviedo e na Universidade Autónoma de Madrid. Foi membro do comité cultural de El País, colaborou na Revista de Occidente e foi asesor de Alianza Editorial.

Interesouse polas relacións entre a lóxica formal e disciplinas como a lingüística, a psicoloxía ou a propia filosofía. Estudou o pensamento de Wittgenstein e Carroll.

Entre as súas obras destaca Introducción a la lógica formal (1974), coa que logra unha introdución amena e con sentido do humor aos conceptos xerais da lóxica, á lóxica de enunciados e á lóxica de predicados de primeiro orde, así como esboza tamén algunhas outras lóxicas (clásicas e "non-clásicas"), e enuncia algunhas das cuestións lóxico-filosóficas máis importantes.

Obras

• Introducción a la lógica formal 1. La lógica de enunciados Madrid, Alianza Editorial, 1974.
• Introducción a la lógica formal 2. La lógica de predicados Madrid, Alianza Editorial, 1974.
• Las concepciones de la lógica, Madrid, Taurus, 1980.
• El resto no es silencio: escritos filosóficos (con Jesús Hernández e Javier Muguerza), 1984.

Traduciónes

• Jan Lukasiewicz, Estudios de lógica y filosofía.
• Hempel, Carl G. (1966). Filosofía de la ciencia natural (Philosophy of Natural Science).
• Russell, Bertrand, Max Black et al. La concepción analítica de la filosofía, Sel. e intro. Javier Muguerza.
• Jean Piaget Estudios sobre lógica y psicología, con Juan Deval.
• Kenny, Anthony Sir, Wittgenstein.

Véxase tamén

Ligazóns externas

• Reseña de José Antonio López Burgos a "Las concepciones de la lógica en El Basilisco, nº 11, 1980
• Obituario en El País, por Javier Pradera, 26 de xaneiro de 1978.
• Una calle de Ribadeo llevará el nombre del filósofo Alfredo Deaño, artigo en El País, por Ernesto S. Pombo, Lugo, 20 de xaneiro de 1979.