Alfred de Musset

Na Galipedia, a Wikipedia en galego.
Alfred de Musset
Alfred de Musset
Nacemento: 11 de decembro de 1810
París
Falecemento: 2 de maio de 1857
París
Nacionalidade: Flag of France.svg Francia
Ocupación: Escritor

Alfred Louis Charles de Musset, nado en París o 11 de decembro de 1810 e finado na mesma cidade o 2 de maio de 1857, foi un escritor francés.

Traxectoria[editar | editar a fonte]

Empezou a estudar ós nove anos no colexio Henri-IV, onde obterá en 1827 o premio de disertación literaria no Concurso Xeral. Grazas a Paul Foucher, cuñado de Victor Hugo empeza ós seus 17 anos a frecuentar O Cenáculo, o salón de Charles Nodier na biblioteca do Arsenal.

Despois de exercitarse coa medicina, o dereito, o debuxo, o inglés e o piano, é un dos primeiros románticos. Ós seus 20 anos a súa notoriedade literaria vai acompañada dunha dubidosa reputación alimentada pola súa faceta dandy.

Desde 1833 até 1835 é o apaixonado amante de George Sand. Como poeta publica os seus Contos de España e Italia. Os seus poemas máis soados son Rolla e as noites. Tamén escribe algunhas comedias: O candelabro, Non chancemos co amor, Non hai nada que xurar. Tamén escribe novelas en prosa como A Confesión dun fillo do século, dedicada a George Sand.

Foi bibliotecario do Ministerio do Interior durante a Monarquía de xullo e logo destituído en 1848. Máis tarde tamén foi bibliotecario do Ministerio de Instrución Pública durante o Segundo Imperio.

Recibiu a Lexión de Honra o 24 de abril de 1845 ó mesmo tempo que Balzac e é elixido membro da Academia Francesa en 1852.

Obra[editar | editar a fonte]

Tomba en Père Lachaise. Obra do escultor Jean Auguste Varre.
  • 1824 - À ma mère.
  • 1826 - À Mademoiselle Zoé le Douairin.
  • 1828 - Un rêve, L'Anglais mangeur d'opium.
  • 1829 - Pemières poésies.
  • 1830 - Contes d'Espagne et d'Italie, La quittance du diable.
  • 1831 - La coupe et les lèvres, Namouna.
  • 1832 - Spectacle dans un fauteuil, A quoi rêvent les jeunes filles.
  • 1833 - Lorenzaccio, Les caprices de Marianne, Rolla, André del Sarto.
  • 1834 - Fantasio, On ne badine pas avec l'amour, Une nuit vénitienne, Perdican, Camille et Perdican.
  • 1835 - La quenouille de Barberine, La nuit de mai, La nuit de Dêcembre, Le chandelier.
  • 1836 - Il ne faut jurer de rien, Lettre à M. de Lamartine, Faire sans dire, La nuit d'août, La confesión d'un enfant du siècle.
  • 1837 - Un caprice, La nuit d'octobre, À la Malibran, Emmeline, Les deux maîtresses, Lettres a Dupuis et Cotonet.
  • 1838 - Le fils du Titien, Fréderic et Bernerette, L'espoir en Dieu, Dupont et Durand, Margot.
  • 1839 - Croisilles.
  • 1840 - Tristesse, Une soirée perdue.
  • 1841 - Souvenir.
  • 1842 - Le voyage où il vous plaira, Sur le paresse, Histoire d'un merle blanc, Aprés une lecture.
  • 1844 - Pierre et Camille, Le secret de Javotte, Les frères Van Bruck.
  • 1845 - Il faut q'une porte soit ouverte ou fermée, Mademoiselle Mimi Pinson.
  • 1849 - Louison, L'Habit vert, On ne saurait penser à tout.
  • 1850 - Poésies nouvelles, Carmosine.
  • 1851 - Bettine, Faustine.
  • 1853 - La mouche.
  • 1854 - Contes.


Ligazóns externas[editar | editar a fonte]

Commons
Commons ten máis contidos multimedia sobre: Alfred de Musset