Alen Bokšić

Bokšić
Nome completo:	Alen Bokšić
Alcume:	'
Data de nacemento:	21 de xaneiro de 1970
Lugar de nacemento:	Makarska, Croacia
Data de falecemento:
Lugar de falecemento:	,
Nacionalidade:
Club actual:	Retirado
Posición:	Dianteiro Centro
Altura:	1,88 m metros
Partidos internacionais:	40 (con Croacia)
Goles:	10
Ano do debut:
Club do debut:	Hajduk Split
Ano do retiro:
Club do retiro:	Middlesbrough

Alen Bokšić ([ˈalɛn ˈbɔkʃitɕ]), nado en Makarska (antiga Iugoslavia) o 21 de xaneiro de 1970, é un ex-futbolista croata.

Clube

Bokšić comeza a súa carreira no clube Zmaj da súa vila natal. Sendo aínda xuvenil marcha ao Hajduk Split, entrando no primeiro equipo en 1987, cando só contaba con 17 anos. Na súa etapa no Hajduk consegue gaña-la Copa de Iugoslavia de Fútbol en 1987 e 1991. Nun total de 174 encontros anotou 60 goles.

En 1991 fichou polo AS Cannes, na Francia, máis pasou case toda a tempada mancado e só puido desputar un encontro.

Ao ano seguinte vai para o Olympique Marsella, onde triunfa de pleno, gañando o título de liga, a Liga de campións e remata coma máximo anotador da liga francesa con 23 tantos. En 1993 fica no segundo posto nas votacións para o Balón de Ouro, tra-lo gañador dese ano, Roberto Baggio.

Bokšić pasou os seus seguintes anos na Italia. Estivo na Lazio en dúas etapas, (1993-96 e 1997-2000). En no medio xogou un ano para a Juventus (1996-97)), gañando o Scudetto da Serie A. De volta ao Lazio consegue a Copa de Italia en 1998 a Recopa ao ano seguinte e outro Scudetto no 2000.

Remataría a súa carreira en Inglaterra xogando co Middlesbrough, entre os anos 2000 e 2003. A pesares do seu bo rendemento tivo moitos problemas coas lesións e finalmente retírase no ano 2003

Selección

Bokšić foi chamado pola selección iugoslava para desputa-lo Mundial de 1990, mais o adestrador non lle deu nin un só minuto de xogo.

Coa selección croata xogou 40 encontros, nos que anotou 10 goles. Participou na Eurocopa de Fútbol 1996, mais non puido desputa-lo Mundial de 1998 por mor dunha lesión. Croacia sería a sorpresa do torneo acadando a terceira praza a pesares de non poder contar con el na dianteira para acompañar a Davor Šuker. Finalmente puido xogar un mundial en Corea e Xapón, aínda que a escadra balcánica non pasou da primeira rolda.

Notas

• Nogometni leksikon (2004, en Croata)