Aleksander Kwaśniewski

Na Galipedia, a Wikipedia en galego.
Aleksander Kwasniewski

Aleksander Kwaśniewski, nado o 15 de novembro de 1954 en Białogard, foi o presidente de Polonia dende o 23 de decembro de 1995 ata o ano 2005 pertencendo á Alianza da Esquerda Democrática.

Foi activista do Sindicato Socialista de Estudantes Polacos, en polaco, Socjalistyczny Związek Studentów Polskich, SZSP, organización ligada ao réxime comunista, e logo ministro de deportes no goberno comunista na década dos 80.

Sucedeu a Lech Wałęsa como presidente tras gañar as eleccións en 1995 e foi reescolleito para un segundo e último mandato no 2000 (obtendo a maioría dos votos xa na primeira volta).

Tamén foi antigo dirixente e un dos fundadores do Partido Socialdemócrata da República de Polonia (Socjaldemokracja Rzeczypospolitej Polskiej), sucesor do Sindicato de Traballadores Polacos, e posteriormente da Alianza da Esquerda Democrática (Sojusz Lewicy Demokratycznej).

Tras a formación da coalición política Esquerda e Demócratas foi elixido como o seu presidente.

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia sobre: Aleksander Kwaśniewski
Predecesor:
Lech Wałęsa
Proporzec Prezydenta Rzeczypospolitej Polskiej.svg
Presidente de Polonia
22 de decembro de 199523 de decembro de 2005
Sucesor:
Lech Kaczyński