Alejandro González Iñárritu

Para outras páxinas con títulos homónimos véxase: Alejandro González.

Alejandro González Iñárritu

Biografía
Nacemento	15 de agosto de 1963 (60 anos) Cidade de México
Presidente do xurado do Festival de Cannes
← Cate Blanchett – Spike Lee →
Datos persoais
País de nacionalidade	México España
Educación	Universidad Iberoamericana (pt)
Actividade
Ocupación	director de cinema , compositor , produtor de cinema , guionista , montador
Período de actividade	1995 -
Lingua	Lingua inglesa e lingua castelá
Premios (2019)  doutor honoris causa pola Universidade Nacional Autónoma de México (2016)  Óscar ó mellor director, premiado polo traballo The Revenant (22 de febreiro de 2015)  Óscar ó mellor director, premiado polo traballo Birdman (7 de febreiro de 2015)  Directors Guild of America Award for Outstanding Directing – Feature Film (en) , premiado polo traballo Birdman (31 de xaneiro de 2015)  AACTA International Award for Best Direction (en) , premiado polo traballo Birdman (2015)  Dallas-Fort Worth Film Critics Association Award for Best Director (en) , premiado polo traballo The Revenant (2015)  Óscar ó mellor filme, premiado polo traballo Birdman (2015)  Óscar ó mellor guión orixinal, premiado polo traballo Birdman (2014)  Dallas-Fort Worth Film Critics Association Award for Best Director (en) , premiado polo traballo Birdman (2006)  Prémio de Melhor Realizador de Cannes (pt) , premiado polo traballo Babel  BAFTA á mellor dirección
Sinatura

Alejandro González Iñárritu, nado na Cidade de México o 15 de agosto de 1963 é un director de cinema mexicano.

Traxectoria

Nado na cidade de México, entre os dezasete e os dezanove anos, viaxou por Europa e África. El mesmo declarou que estas viaxes influíron no seu cinema.

De volta en México estudou comunicación na Universidade Iberoamericana e en 1984 comezou a súa carreira radiofónica na emisora musical WFM, da que se converteu en director catro anos máis tarde. Entre 1987 e 1989 tamén compuxo a banda sonora de seis filmes mexicanos.

Na década de 1990 fundou Z Films con Raúl Olvera, coa que comezou a escribir, producir e dirixir curtametraxes e anuncios, para pasar logo á dirección de televisión en 1995.

En 1999 dirixiu a súa primeira longametraxe, Amores perros, escrita por Guillermo Arriaga. Estreado no Festival de Cannes, foi candidato ao Óscar ao mellor filme en lingua non inglesa entre outros premios e deu a coñecer o actor Gael García Bernal. Tralo éxito, Iñárritu e Arriaga volveron á estrutura de historia ligadas con 21 Grams, con Benicio del Toro, Naomi Watts e Sean Penn.

Os seus seguintes filmes foron Babel, rodada en catro países de tres continentes e en catro linguas e Biutiful, con Javier Bardem, Birdman, e The Revenant. Con estes dous últimos filmes gañou o Óscar ao mellor director en anos consecutivos 2014 e 2015.

Filmografía

Longametraxes

• Amores perros (2000)
• 21 Grams (2003)
• Babel (2006)
• Biutiful (2010)
• Birdman (2014)
• The Revenant (2015)

Curtametraxes

• Detrás del dinero (1995) (TV)
• El Timbre (1996)
• Powder Keg (2001) (Serie "The Hire" para BMW)
• 11'09"01 September 11 (2002)
• Chacun son cinema (2007) (episodio "ANNA")

Véxase tamén

Ligazóns externas

• Alejandro González Iñárritu na IMDb (en inglés).
• Entrevista sobre Amores Perros
• Entrevista en Sounds and Colours sobre BiutifulArquivado 01 de outubro de 2012 en Wayback Machine.