Alcoià
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2017.) |
| |||||
| Localización | |||||
|---|---|---|---|---|---|
 | |||||
| |||||
| Estado | España | ||||
| Comunidade autónoma | Comunidade Valenciana | ||||
| Provincia | Provincia de Alacant  | ||||
| Capital | Alcoi | ||||
| Contén a división administrativa | |||||
| Poboación | |||||
| Poboación | 110.639 (2022) (205,02 hab./km²) | ||||
| Lingua oficial | lingua catalá (lingua predominante) | ||||
| Xeografía | |||||
| Superficie | 539,66 km² | ||||
| Comparte fronteira con | |||||
O Alcoià é unha comarca do centro da Comunidade Valenciana, na provincia de Alacant. A súa capital é Alcoi. Limita co Vall d'Albaida e el Comtat polo norte, a Marina Baixa ao leste, o Alacantí e o Vinalopó Mitjà ao sur, e o Alt Vinalopó polo oeste.
Na proposta de distribución de comarcas de Joan Soler i Riber de 1970[1] tamén se inclúen na comarca de Alcoià as poboacións do Vall de Biar que nas Demarcacions Territorials Homologades (DTH) da Generalitat aparece no l'Alt Vinalopó: Beneixama, Biar, El Camp de Mirra e la Canyada de Biar.
Os concellos que pertencen á comarca de Alcoià son: Alcoi, Banyeres de Mariola, Benifallim, Castalla, Ibi, Onil, Penàguila e Tibi.
Xeografía[editar | editar a fonte]
Trátase dunha comarca montañosa, que presenta diversas foies interiores, como a Foia de Castalla e a de Alcoi, separadas por diversas serras, entre as cales destacan a serra del Menejador que pertence ao Carrascar de la Font Roja, a Mariola ou la Carrasqueta.
Clima e vexetación[editar | editar a fonte]
O clima é totalmente mediterráneo, pero máis frío que nas comarcas costeiras. Nas serras hai unha vexetación orixinal de carballos, piñeiros e especies aromáticas, por riba de todo na serra de Mariola.
Demografía[editar | editar a fonte]
Segundo o INE a 1 de xaneiro do 2016, os concellos que conformaban a comarca tiñan a seguinte poboación:
- Alcoi: 59.198 habitantes.
- Banyeres de Mariola: 7.108 habitantes.
- Benifallim: 114 habitantes.
- Castalla: 9.859 habitantes.
- Ibi: 23.365 habitantes.
- Onil: 7.494 habitantes.
- Penàguila: 328 habitantes.
- Tibi: 1.634 habitantes.
Economía[editar | editar a fonte]
A agricultura é de secaño (cereais, uvas , oliveiras e améndoas). Hoxe, non obstante, a actividade principal da comarca é a industrial, especialmente a téxtil, a do calzado, a do papel e a de xoguetes. A cidade máis grande é Alcoi, capital da comarca, que conta cunha importante tradición industrial papeleira e metalúrxica que se alcanzou no século XX, pero a industria téxtil é a máis importante na actualidade. Son tamén importantes as poboacións de Ibi, que conta con industrias de xoguetes mecánicos; Onil, dedicada á fabricación de bonecas, e Castalla, que se especializou tamén na produción de xoguetes.
Delimitacións históricas[editar | editar a fonte]
A comarca de Alcoià é de creación moderna, creada no 1989, e comprende a comarca histórica da Foia de Castalla, e parte da antiga Valls d'Alcoi. Estas comarcas antigas aparecen no mapa de comarcas de Emili Beüt "Comarques naturals del Regne de València" publicado en 1934.
Gastronomía[editar | editar a fonte]
A comida de Alcoià é típica da dieta mediterránea de montaña, e incorpora pratos típicos como a pericana, cebolas en vinagre, e os taretes, en forma de tapa.
Notas[editar | editar a fonte]
- ↑ Soler i Riber, Joan (2014). El desarrollo territorial valenciano: Reflexiones en torno a sus claves. València: Universitat de València. pp. 58–59. ISBN 843709545X. Consultado o 3 de xullo de 2017.
.svg)
