Alasdair Fraser

Alasdair Fraser
	;
Biografía
Nacemento	14 de maio de 1955 (68 anos); Clackmannan, Reino Unido (en)
Datos persoais
País de nacionalidade	Reino Unido
Actividade
Ocupación	violinista
Lingua	Lingua inglesa
Instrumento	Violín e fiddle (pt)
Selo discográfico	Narada (pt)
Páxina web	alasdairfraser.com

Alasdair Fraser, nado o 14 de maio de 1955 en Clackmannan (Escocia), é un violinista tradicional escocés. É o líder de The Skyedance Bance, que crearon a música para a película Braveheart.

Traxectoria[editar | editar a fonte]

Alasdair Fraser naceu nunha familia de músicos comezou a tocar o violín aos oito anos. En 1973 gañou o concurso de violino do National Mod. Licenciouse en Física pola Universidade de Edimburgo e traballou para a British Petroleum Corporation. En 1981 foise aos Estados Unidos e catro anos máis tarde decide dedicarse á música. En 1983 fundou en California unha escola para aprender violino chamada Val da Lúa e na Illa de Skye mantén un seminario desde 1987, o "Sabhal Mor Ostaig Gaelic College". Gañou en dúas ocasións o Scottish National Fiddle Championship e dirixe a Orquestra de violinistas escoceses de San Francisco. É o propietario de Culburnie Records, compañía que produce os seus discos.

Alasdair Fraser é recoñecido internacionalmente como principal intéprete e profesor de violino tradicional escocés. Ten traballado con The Waterboys e The Chieftains e colaborado en máis de 50 discos como artista convidado, incluíndo composicións e interpretacións súas en recoilatorios de música celta e New Age. A súa música aparece nas bandas sonoras de películas como Titanic, O derradeiro mohicano e Wyatt Earp.

Nos últimos anos está a tentar reconstruír e revivificar a tradición escocesa do violino acompañado do cello.