Aixola

Na Galipedia, a Wikipedia en galego.
Aixola.

A aixola é unha ferramenta para traballar a madeira. Trátase dunha sorte de machada con folla de ferro curva e con forma tronco-cónica, perpendicular a un mango curto de madeira xeralmente. A aixola era utilizada polos carpinteiros para desbastar a madeira.

Na prehistoria[editar | editar a fonte]

En Galiza as aixolas de pedra teñen aparecido en numerosos túmulos funerarios megalíticos. Tiñan forma rectangular e sección biconvexa e rectangular. As dobres aixolas tiñan unha perforación no centro e apareceron a finais do megalitismo, nas cámaras tipo cista.