Aix-les-Bains
Na Galipedia, a Wikipedia en galego.
Aix-les-Bains ( Ës en francoprovenzal) é un concello de 26.000 habitantes do departamento de Savoia, na rexión Ródano-Alpes, Francia, situado na costa surleste do lago de Bourget.
Alphonse de Lamartine estivo en Aix-en-Savoie (nome que recibía entón) en 1816, onde escribiu o célebre poema Le lac.
A cidade foi unha vila termal fundada polos romanos no ano 23 a.C., despois do ano 383 recibiu o nome de Aquae Gratianae para lembrar ao emperador Graciano, asasinado preto da vila. Aínda sobreviven numerosas edificacións da época romana, como as termas antigas e o arco romano de Campanus.
A economía da cidade depende case enteiramente do turismo.
