Agrupación Estudiantil
| Agrupación Estudiantil | ||
|---|---|---|
| Nome | CF Agrupación Estudiantil | |
| Fundación | 1982 | |
| Estadio | Os Casares, A Estrada, Galicia | |
| Presidente |  Manuel Varela Pereiro | |
| Adestrador | Gelucho | |
| Liga | Preferente Norte - Subgrupo A | |
| 2020/21 | 9º | |
| ||
O Agrupación Estudiantil é un club de fútbol galego, fundado en 1982 na parroquia de Loimil, no concello da Estrada, e que dende 2020 ten a súa sede en Santiago de Compostela.
Compite na Preferente Norte e dende o seu traslado a Santiago xoga os seus partidos como local no Campo Municipal de Santa Isabel (ata entón facíao no Campo dos Casares da Estrada).
Historia[editar | editar a fonte]
Na tempada 2016/17 o Estudiantil quedou a tres puntos de ser campión de Preferente, o que lle daría o ascenso directo a Terceira División. O club acudiu ao Comité de Competición da Federación Galega de Fútbol para impugnar o partido contra o CSD Arzúa, por aliñación indebida deste, ao considerar que un dos xogadores non podía xogar por estar sancionado. O comité non lle deu a razón, polo cal o club foi ao Comité de Apelación que si lle deu a razón e adxudicoulle ao Estudiantil os tres puntos daquel partido que gañara o Arzúa no campo. Nese punto o Arzúa acudiu ao Comité Galego de Xustiza Deportiva, que lle volveu dar a razón quitándolle de novo os puntos ao Estudiantil. Entón o Estudiantil denunciou o caso ante a xustiza ordinaria, quen fallou na súa contra a finais de 2018.[1] O Estudiantil non se deu por vencido e presentou un recurso perante o Tribunal Superior de Xustiza de Galicia, quen esta vez fallou definitivamente a favor, outorgándolle o dereito a xogar na Terceira División.[2] Finalmente, o club aceptou a proposta da Federación de xogar a tempada 2019/20 na última categoría do fútbol galego, Terceira Autonómica, e ascender a Terceira española na 2020/21.[3]
En xuño de 2020 o club cambiou a súa sede a Santiago de Compostela, tras chegar a un acordo co Vista Alegre Sociedad Deportiva de dita cidade, que pasará a ser o seu equipo filial. O acordo foi aprobado polos socios nunha asemblea na que se elixiu tamén unha nova directiva presidida por Manuel Varela Pereiro.[4] O seu terreo de xogo pasou a ser o Campo Municipal de Santa Isabel.[5]
Datos do club[editar | editar a fonte]
Historial na liga[editar | editar a fonte]
| Tempada | Categoría | Posto |
|---|---|---|
| 2010/11 | 1ª Autonómica | 11º |
| 2011/12 | 1ª Autonómica | 10º |
| 2012/13 | 1ª Autonómica | 1º 
|
| 2013/14 | Preferente | 6º |
| 2014/15 | Preferente | 13º |
| 2015/16 | Preferente | 14º |
| 2016/17 | Preferente | 3º |
| 2017/18 | Preferente | 10º |
| 2018/19 | Preferente | 20º |
| 2019/20 | 3ª Autonómica | 11º |
| 2020/21 | 3ª | 9º 
|
| 2021/22 | Preferente |
Notas[editar | editar a fonte]
- ↑ "La justicia ordinaria falla en contra del Estudiantil". Faro de Vigo (en castelán). 4 de decembro de 2018. Consultado o 12 de outubro de 2019.
- ↑ "Una sentencia del TSXG podría provocar una Tercera de 21 equipos". La Voz de Galicia (en castelán). 10 de xullo de 2019. Consultado o 12 de outubro de 2019.
- ↑ "El Estudiantil jugará en Tercera Autonómica antes de su ascenso". La Voz de Galicia (en castelán). 13 de xullo de 2019. Consultado o 12 de outubro de 2019.
- ↑ Calvo, Naso (8 de xuño de 2020). "El Estudiantil cambia su sede social y ya es un nuevo equipo de la capital gallega". La Voz de Galicia (en castelán). Consultado o 9 de xuño de 2020.
- ↑ "Estreno sin fiesta hoy del Vista Alegre Estudiantil en casa frente al Somozas" (en castelán). 25 de outubro de 2020. Consultado o 30 de novembro de 2020.