Agorafobia

Na Galipedia, a Wikipedia en galego.


A agorafobia é o medo irracional e inmotivado que se traduce en sensación de angustia ou pánico ante os espazos abertos, non polo espazo de seu senón polo temor a enfermar ou quedar incapacitados para liscar do lugar[1], dáse especialmente cando o individuo está só[2], os síntomas depresivos e obsesivos e fobias sociais poden estar presentes pero non dominan o cadro clínico. A agorafobia diagnostícase en relación á angustia, ben como trastorno de angustia con agorafobia ou ben, aínda que é rara[3], como agorafobia sen historia de trastorno de angustia[4], pero para algúns autores a agorafobia é unha consecuencia da angustia mentres para outros é a crise de angustia a consecuencia da agorafobia[5] . De non se realizar tratamento a agorafobia deriva en crónica.

Notas[editar | editar a fonte]

  1. David Moore e James Jefferson Manual de Psiquiatría Médica. Elsevier España, 2005, páxina 162
  2. Manual para el tratamiento cognitivo-conductual de los trastornos psicológicos: Trastornos por ansiedad, sexuales, afectivos y psicóticos. Editorial Siglo XXI, 2ªed, 2002, páxina 89
  3. Eric Hollander Guía de trastornos de ansiedad. Elsevier España, 2004, páxina 5
  4. Michael B. First, Allen Frances e Harold Alan Pincus DSM-IV-TR. Guía de uso. Elsevier España, 2008, páxina 258
  5. J. Vallejo Ruiloba e C. Gastó FerrerTrastornos afectivos: ansiedad y depresión. Elsevier España, 2ª ed, 2000, páxina 17