Adelchis de Benevento

Na Galipedia, a Wikipedia en galego.

Adelchis era fillo de Radelchis I, Príncipe de Benevento, e sucesor do seu irmán Radelgardo en 854.

Traxectoria[editar | editar a fonte]

Adelchis deu preservado o antigo principado e a súa independencia fronte a repetidos ataques dos sarracenos desde o sur, o emperador Luís II desde o norte, e a Langobardia bizantina polo leste. Ao comezo non tivo éxito nas súas guerras contra os musulmáns. Foi vencido en Bari en 860 e forzado a facer unha tregua co emir e pagar un tributo. En episodios posteriores, forzárono a reclamar a axuda do Emperador. En 866, o emperador venceu os sarracenos e, en 871, caeu a mesma Bari. Luís tentou entón establecer un meirande control sobre todo o sur con gornicións súas nas fortalezas beneventinas.

A resposta de Adelchis a esta acción foi mandar ao emperador á cadea e roubalo mentres estaba no palacio do príncipe en Benevento en Agosto. Un mes máis tarde, os sarracenos dirixiron unha nova forza invasora e Adelchis liberou a Luís para que guiase os exércitos contra ela. Adelchis forzou a Luís a prometer que nunca había volver a Benevento cun exército ou vingarse pola súa detención. Luís foi a Roma en 872 e foi liberado do seu xuramento polo papa Hadrián II o 28 de maio. Tentou castigar a Adelchis, pero non tivo demasiado éxito. Adelchis volveuse aos bizantinos. Foi asasinado en maio de 878.

Cómpre subliñar que foi o último dirixente longobardo en revisar o Edictum Rothari.

Principado de Benevento

Segue a:
Radelgardo de Benevento
Adelchis de Benevento
Precede a:
Gaiferos de Benevento