Adapter (patrón de deseño)

Adapter (tamén chamado wrapper ou adaptador) e un patrón de deseño estrutural que serve para transformar unha interface noutra compatible coa clase na que se quere utilizar.

Motivación

Algunhas veces unha clase deseñada para ser reusada non pode selo por que a súa interface non coincide coa interface específica que require unha determinada aplicación. Un exemplo disto sería que unha clase proporcionase valores booleanos en formato “true”/”false” pero a clase dende a que se vai utilizar necesite eses valores en formato 1/0, desta forma a clase adaptadora realizaría o cambio.

Tamén pode ocorrer que o adaptador sexa responsable dunha funcionalidade que a clase adaptada non ten.

Aplicabilidade

1. Utilizarase este patrón cando se queira usar una clase existente pero a interface non coincida coa que se necesita.
2. Cando se queira crear unha clase reusable por clases non relacionadas ou imprevistas e que non teñen por que ter a mesma interface.
3. Cando queiramos utilizar subclases existentes pero non sexa adecuado adaptar as súas interfaces. En este caso pódese adaptar a súa interface por medio dunha clase adaptadora da interface do seu pai.

Estrutura

Temos dúas posibles opcións a hora de abordar este patrón:

Opción 1.

• Utilizar a herdanza múltiple, de forma que a clase adaptadora herde de ambas interfaces.

Opción 2.

• Substituír a herdanza múltiple por herdanza a clase obxectivo e unha referencia a clase adaptada.

Participantes

• Obxectivo: Define a interface específica que o cliente utiliza.
• Cliente: Colabora cos obxectos que conforman o obxectivo.
• Adaptado: Define unha interface existente que necesita ser adaptada.
• Adaptador: Adapta a interface existente a interface do obxectivo.

Consecuencias

• As veces pódese engadir funcionalidades a clase adaptada.
• A clase adaptadora non permite adaptar unha clase e todas as súas subclases e permite que o adaptador redefina parte do comportamento do adaptado.
• O adaptador permite adaptar diversos obxectos pero é difícil cambiar o comportamento do adaptado.
• É importante ter en conta que a existencia de dúas opcións a hora de poñer en funcionamento este patrón resulta conveniente pola imposibilidade de algunhas linguaxes de programación para o uso de herdanza múltiple.

Exemplo

Exemplo de uso.

No seguinte exemplo queremos que unha clase cliente sexa capaz de comprobar o estado dunha rede de auga e de electricidade nun determinado punto.

Para a enquisa da electricidade dispoñemos dun método ao que poderíamos chamar directamente dende a comprobación da electricidade. No caso da agua so dispoñemos dun método getNivel, que nos da o nivel de auga nese momento. Deberemos comprobar nós se o nivel é o adecuado para determinar que a comprobación é certa.

É neste punto onde se introduce o patrón adaptador, para permitir a comprobación en base aos valores proporcionados pola outra clase.