Ad libitum

Ad libitum, locución latina que significa "ao gusto", "como se queira", "a vontade".

Emprégase sobre todo na linguaxe artística e musical. Decote abreviado como ad lib., é unha indicación musical que significa que o intérprete ou músico pode variar o tempo como o desexe (nunca alterando as notas, soamente os tempos) durante o período que está indicado. Así mesmo, pode ser comprendido como a piacere (a pracer).

En música, a expresión é utilizada en partituras, a miúdo baixo a súa forma abreviada ad lib para sinalar que a obra permite a interpretación con ou sen o instrumento ao que se refire. Exemplo: contrafagot Ad libitum. Erik Satie, entre outros, botou boa man deste recurso.

Tampouco é estraño atopar ad libidum nos bufets libres, co mesmo significado: a vontade.