Abrótega

Na Galipedia, a Wikipedia en galego.
Abrótega
Asphodelus albus.004.JPG
Clasificación científica
Reino: Plantae
Subreino: Tracheobionta
División: Magnoliophyta
Clase: Liliopsida
Subclase: Liliidae
Orde: Asparagales
Familia: Xanthorrhoeaceae
Subfamilia: Asphodeloideae
Xénero: Asphodelus
Especie: Asphodelus albus
Nome binomial
Asphodelus albus
Mill.
Subespecies

A abrótega[1] ou abrótea (Asphodelus albus) é unha planta perenne da familia das liliáceas, moi empregada como planta de xardín, nativa do centro de sur de Europa. Pode chegar ata o metro de altura, aínda que habitualmente tan só chega a 50 cm. As follas con forma de espada nacen na base da planta; as flores vanse xuntando a medida que se ascende polo talo ata chegar á cima na que están en acios ou amoreadas. Agroma de maio a setembro en terreos secos e pedregosos, especialmente en zonas moi degradadas arredor do Meditérraneo, e tamén nas abas dos Alpes e outras montañas, chegando ata os 1.600 m.

Na parroquia de Vilelos, O Saviñao, os agucios (polo seu nome local) arríncanse durante o último mes do verán para facer fachas ás que se prende lume na derradeira semana de setembro[2].

Tamén recibe os nomes de abrótena, apóutiga , asfódelo, breca, gamón, gamota, herba do gando, lumbrieiro, nunú, ouropesa, ouropeso, pé de pita e petuga[3] [4]

Galería de imaxes[editar | editar a fonte]

Notas[editar | editar a fonte]

  1. Xusto A. Rodríguez Río (coordinación) (2004). Servizo de Normalización Lingüística da USC, ed. Termos esenciais de botánica (PDF). p. 18. 
  2. Folión de Fachas de Vilelos
  3. Dicionario de sinónimos da lingua galega, Galaxia, 1997
  4. Dicionario da Real Academia Galega

Véxase tamén[editar | editar a fonte]

Galizionario
Vexa a entrada do Galizionario acerca de abrótega