Aboriginal Tent Embassy

Aboriginal Tent Embassy.

Sinal de soberanía na Aboriginal Tent Embassy.

A Aboriginal Tent Embassy é unha asemblea semipermanente onde residiron activistas para representar os dereitos políticos dos aborixes australianos. Componse de sinais e tendas fronte á Antiga Casa do Parlamento de Canberra, a capital de Australia. Non é considerada oficialmente unha embaixada polo goberno de Australia.

Historia

O 26 de xaneiro de 1972, catro homes aborixes (Michael Anderson, Billy Craigie, Tony Coorey e Bertie Williams) chegaron a Canberra dende Sydney para estabelecer a embaixada aborixe chantando unha antuca diante da daquela casa do Parlamento Australiano (hoxe a antiga sede do parlamento). A embaixada estabeleceuse en resposta á coalición de goberno de McMahon que rexeitaba o recoñecemento dos dereitos das terras aborixes.

A antuca de praia foi substituída por numerosas tendas de aborixes e non aborixes que chegaron de tódalas partes de Australia para unirse á protesta. Durante os primeiros seis meses da súa vida en 1972 a embaixada conseguiu unir o pobo aborixe de toda Australia na esixencia de dereitos firmes sobre a terra nacional e mobilizou o apoio dos non indíxenas na súa loita. Entre os membros activos da embaixada de 1972 están Paul Coe, Gary Foley, Chicka Dixon, Gary Williams, John Newfong, Sam Watson, Pearl Gibbs, Roberta Sykes, Alana Doolan, Cheryl Buchannan, Pat Eatock, Kevin Gilbert, Denis Walker, Isobelle Coe e Shirley Smith.

Véxase tamén

Ligazóns externas

• Three short clips from Ningla-A-Na (Hungry for our Land)(1972), National Film and Sound Archive – includes footage of police marching on protesters in June 1972
• The Koori History Website
• Robert Campbell Jr, Aboriginal Embassy (1986) (painting)Arquivado 04 de marzo de 2016 en Wayback Machine.