Abavides, Trasmiras

Abavides
Igrexa de San Martiño de Abavides
Concello	Trasmiras
Área	6,36 km²
Poboación	(Ano 2007) 217 hab.
Densidade	- hab./km²
Entidades de poboación	7

San Martiño de Abavides é unha parroquia do concello ourensán de Trasmiras na comarca da Limia. Segundo o IGE no ano 2007 tiña 217 habitantes (94 homes e 123 mulleres), catro máis que no 2006. Atópase a 640 m sobre o nivel do mar. Atópase á altura do quilómetro 192 da estrada N-525.

Historia

Os feitos históricos de relevancia no concello sempre estiveron vinculados á historia da comarca da Limia. Así, a tribo que habitou estas terras era a dos Límicos, que, posteriormente, sufriron a romanización. Nesta época o territorio do que é o actual Trasmiras estaba baixo a influencia do 'Forum Limicorum'.

Na idade Media a parroquia de Abavides pertencía ó señorío do Conde de Lemos, quedando o resto do territorio baixo o señorío do Conde de Monterrei.

Monumentos

A igrexa parroquial conserva algúns restos do románico, pero a maior parte da construción é de feitura barroca, trala reforma levada a cabo entre 1688 e 1728. As pedras da construción medieval foron aproveitadas no muro do camposanto. No seu interior destaca o retablo maior, feito en 1773 por Gregorio Álvarez de Araujo e restaurado no 2004.

Clima

Presenta un clima fundamentalmente oceánico, caracterizado polas escasas choivas (uns 700mm anuais), un forte contraste de temperaturas, moi baixas en inverno e altas en verán, e frecuentes xeadas.

Festas

As festas celébranse a primeira fin de semana de setembro.

Lugares de interese

San Martiño, O Banco, Alpeidín, Cacabelo, Cruces, A Madorra, O Seixo, A Trapa, O Calvario, A Costa, O Morouzo, A Torre, O Dornallo, A Veiga, As Riscas, A Regada, Os Pozos, A Igrexa, Cruces.

Véxase tamén

Outros artigos

• Lugares de Trasmiras

Ligazóns externas

• www.abavides.org páxina con certo contido sobre Abavides