Abadal
| Abadal | |
|---|---|
 | |
 Abadal 25 HP de 1914 | |
| Fundación | 1912 - 1923 |
| Localización |  Barcelona, España |
| Persoas clave | Francisco Serrameleda y Abadal |
| Industria | Transporte |
| Produtos | Automóbil |
| [ editar datos en Wikidata ] | |
O Abadal foi un coche construído entre 1912 e 1913. Considerado un coche de luxo veloz, cun deseño similar ao de Hispano-Suiza. Existían dous modelos: O primeiro tiña un motor de catro cilindros de 3 104 cc, e o segundo un motor de seis cilindros de 4 521 cc.
Pouco despois da creación da liña Abadal, a compañía belga Impéria comezou a fabricar o modelo, con licenza, chamándoos Impéria- Abadal. En 1916 Abadal comprou os dereitos de Buick en España, desde ese ano, os modelos de Abadal construídos en Barcelona posuían motores Buick, pero non a carrocería. A estes automóbiles coñecéuselles como Abadal-Buicks.
M. A. Van Roggen (que traballara en Springuel) tomou o control da compañía belga, e fabricou uns 170 Impéria-Abadal máis. Ademais fabricou outros modelos, como un modelo deportivo de 16 válvulas de 2 992 cc e catro cilindros e tres prototipos de 5 630 cc. A compañía deixou de fabricar automóbiles en 1923.
Francisco (Paco) Abadal era un vendedor de Hispano-Suíza, ademais dun piloto de carreiras de Barcelona. Comezou o seu negocio en 1912 e, cando o abandonou, traballou para a General Motors. Os plans de General Motors, en 1930, para lanzar un prototipo chamado Abadal Continental nunca se levaron a cabo.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Abadal  |