Aalborg - Ålborg
| Mapa | |
|---|---|
 |
|
| Información | |
| País |  Dinamarca |
| Rexión | Nordjylland |
| Superficie | 1.143,99 km² |
| Poboación | 162.381 hab. (2010) |
 |
|
| Sitio oficial | |
Aalborg ou Ålborg é unha comuna e cidade de Dinamarca, capital da rexión de Nordjylland, na península de Xutlandia. Ten unha poboación de 162.381 habitantes (121.549 na cidade), sendo a cuarta máis poboada de Dinamarca.
Índice |
Historia [editar]
Fundada como un asentamento comercial viquingo (século V). A primeira mención do seu nome, Alabu, aparece nunha moeda datada no 1040. No ano 1342 recibe o título de cidade polo rei Valdemar. Na Idade Media foi unha próspera cidade comercial baseada no comercio de arenque, gran e carne. No 1516 recibiu o monopolio de salgar o arenque. Dende 1554 é sede dun bispado luterano. No século XVIII chega a revolución industrial á cidade, no 1865 constrúese a primeira ponte sobre o Limfjord, no 1889 chega o primeiro camiño de ferro á cidade.
Arquitectura [editar]
Un castelo antigo e algunhas casas é todo o que queda do XVII. A catedral data de mediados do XVIII, a Igrexa da Nosa Señora é unha reconstrución de comezos do XX dunha igrexa do XIV parcialmente queimada en 1894. Son tamén salientables o hospital antigo e o museo local.
Economía [editar]
A economía da cidade baséase no estaleiro naval, a escola naval e o porto comercial. Son salientables tamén a industrial téxtil, química e tabacaleira. Arredor da Universidade está medrando nos últimos anos a industria de telecomunicacións.
Demografía [editar]
Evolución da poboación:
- 1980 - 153.948
- 1985 - 154.750
- 1990 - 155.019
- 1995 - 159.056
- 1999 - 160.937
- 2000 - 161.161
- 2003 - 162.521
- 2010 - 162.381
