A conquista do pan

Na Galipedia, a Wikipedia en galego.
A conquista do pan
primeira edición: París, 1892
Título orixinal La Conquête du Pain
Autor Piotr Kropotkin
País Francia
Lingua francés
Xénero(s) Ensaio, recompilación de artigos
Data de pub. 1892


A conquista do pan (título orixinal en francés La Conquête du Pain) é un libro do ruso Piotr Kropotkin publicado en 1892. Foi traducido ao galego polo ateneo libertario Lume Negro de Ponteareas e editado en 2010.

Características[editar | editar a fonte]

Orixinalmente escrito en francés, apareceu por primeira vez como unha compilación de artigos nos periódicos anarquistas Le Révolté e La Revolté (ambos editados por Kropotkin). Foi publicado como libro por primeira vez en París en 1892, cun prefacio de Élisée Reclus, que tamén suxeriu o título. Entre 1892 e 1894 foi serializado, en parte, no periódico londinense Freedom, do que Kropotkin era cofundador. Foi traducido e reimpreso en numerosas ocasións. Kotoku Shusui traduciuno ó xaponés en 1909.

Neste traballo Kropotkin apunta o que el considera como os erros dos sistemas económicos do feudalismo e do capitalismo, e a creación de miseria e escaseza mentres promoven o privilexio para certas clases. El opta pola proposta dun sistema económico descentralizado baseado na axuda mutua e a cooperación voluntaria, afirmando que as tendencias para este tipo de organizacións xa existen, ámbalas dúas na evolución e a sociedade humana.

Inclúe 17 artigos: "As nosas riquezas", "O benestar para todos", "O comunismo anarquista", "A expropiación", "Os víveres", "O aloxamento", "O vestido", "Vías e medios", "As necesidades de luxo", "O traballo agradable", "O común acordo libre", "Obxecións", "O asalariamento colectivista", "Consumo e produción", "A división do traballo", "A descentralización das industrias" e "A agricultura".

Véxase tamén[editar | editar a fonte]

Ligazóns externas[editar | editar a fonte]