A Graña de Vilarente, Abadín

Para outras páxinas con títulos homónimos véxase: A Graña.

A Graña de Vilarente
Situación da parroquia da Graña de Vilarente no concello de Abadín
Concello	Abadín
Área	10,35 km²
Poboación	(ano 2004) 267 hab.
Densidade	25,8 hab./km²
Entidades de poboación	13

Santa María Madalena da Graña de Vilarente é unha parroquia do concello lugués de Abadín. Limita ao norte con Vilarente, ao sur con Muimenta e Roás (concello de Cospeito), ao leste con Vilarente e ao oeste con Moncelos e As Goás.

Pertence o arciprestado de Baroncelle e ten 13 entidades de poboación e 12 lugares, con 267 habitantes, sendo a densidade media de 25'8 hab/Km² no 2004.

Xeografía

As entidades son A Cabana (34), A Cabeceira ou A Carballeira (17), O Carboeiro (26), A Casavella (6), O Coído (17), Fraga de Vila (15), Penela (14), Porto da Moura (39), A Pumarega (9), Ruavella (28), Os Trinta (13), Vilar de Nuño (34) e Vista Alegre (15).

Os lugares (que xeralmente forman parte de algunhas das entidades) son As Augas, Os Carracedos, Chouselas, O Cotiño, A Croa, Os Currás, O Fondal, A Fonte do Trobo, A Fumeira, O Igrexario, Rego da Páxara e Tremoído.

Orografía

Destacan os cumios de Roza do Pleito (443 m.) e Marco do Forneiro (440 m.).

Patrimonio

• O Pazo de Cernada é un edificio de propiedade privada, situado nun terreo chan. Planta do edificio en U, con dous pisos, de fábrica de cachotería de pedra rebocada e cantería nos reforzos dos ocos, con cuberta de lousa. A fachada principal ten un soportal de entrada formado por un pórtico de pedra sobre o que se encontra o escudo. Na fachada posterior destacan as grandes chemineas e unha galería acristalada de madeira. Vanos con tornachoivas. Antiga propiedade da familia dos Noguerol e os Barxa. Na parte posterior ten unha horta con frutais, pozo, cabazo de planta cadrangular de tipo asturiano, alpendres etc... Toda a leira encóntrase amurallada coa bonita porta de reixas na entrada. No camiño de acceso encóntrase un pombal de planta cadrangular, un cruceiro de granito e a capela propiedade do pazo, con imaxinería e altar de madeira nobre de gran valor artístico.

Persoeiros da Graña de Vilarente

• Antonio Noriega Varela estivo destinado como mestre nesta parroquia durante algúns anos.

Lugares e parroquias

Parroquias de Abadín

As dezanove parroquias que conforman o concello de Abadín.

Véxase tamén

Outros artigos

• Lugares de Abadín