1080p

Na Galipedia, a Wikipedia en galego.

1080p é un tipo de sinal de vídeo que se caracteriza por ter 1080 liñas de resolución vertical conseguidas a través da exploración progresiva (progressive scan, de aí o p) dunha escena, isto é, non entrelazada a diferenza do 1080i. No formato p cada fotograma é proxectado por todas as liñas progresivamente (mellor visualización, aínda que só perceptible para a vista máis sensible), mentres que co formato i cada fotograma é proxectado pola metade das liñas (pares ou impares) alternativamente, ou de forma entrelazada.

O resultado pódese apreciar mediante un monitor ou televisión de alta definición, o seu uso presupón unha relación de aspecto de 16:9, que implica unha resolución horizontal de 1920 píxeles, o que equivale a unha resolución total de 2.073.600 píxeles (1920x1080). 1080p frecuentemente denomínase en produtos comerciais como Full HD.

Véxase tamén[editar | editar a fonte]

Outros artigos[editar | editar a fonte]