Óscar Romero

Na Galipedia, a Wikipedia en galego.
Óscar Arnulfo Romero y Galdámez
Oscar Romero by puigreixach.jpg

Debuxo a pastel por J. Puig
Arcebispo da Igrexa Latina (Igrexa Católica)
Biografía
Nacemento 15 de agosto de 1917 en Ciudad Barrios, O Salvador
Pasamento 24 de marzo de 1980 en San Salvador, O Salvador
Alma mater Pontificia Universidade Gregoriana
Ordes
Ordenación sacerdotal 4 de abril de 1942
Consagración episcopal 21 de xuño de 1970, por Girolamo Prigione
Arcebispo de San Salvador
22 de febreiro de 1977 - 24 de marzo de 1980
(asasinato)
Predecesor Luis Chávez González
Sucesor Arturo Rivera Damas
Cargos anteriores Bispo de Santiago de María (1974-1977)
Bispo auxiliar de San Salvador (1970-1974)
Bispo titular de Tambeae (1970-1974)
Outros
Sentire cum Ecclesia
Ficha en catholic-hierarchy.org
Placa do Monumento a Monseñor Romero en San Salvador.

Óscar Arnulfo Romero y Galdámez, máis coñecido como Monseñor Romero, nado en Ciudad Barrios, El Salvador o 15 de agosto de 1917 e finado o 24 de marzo de 1980 en San Salvador, foi un arcebispo metropolitano de San Salvador.

Traxectoria[editar | editar a fonte]

Realizou estudos na Universidade Gregoriana de Roma, alí foi alumno de Giovanni Batista Montini (o futuro Paulo VI). Tras servir como párroco, foi nomeado secretario da conferencia episcopal de El Salvador en 1968. Dous anos despois foi designado bispo auxiliar de San Salvador. En 1974, foi nomeado bispo do diocese de Santa María no departamento de Usulután. Finalmente, o 3 de febreiro de 1977 foi nomeado arcebispo de San Salvador.

Este nomeamento ocorreu nun contexto de cruento conflito civil exacerbado polas sospeitas de pucheirazo nas eleccións do 26 de febreiro das que saíu vencedor Carlos Humberto Romero da Coalición Nacional, que viña ocupando o poder dende 1962. Sacerdotes membros do clero arquidiocesano que viñan denunciando os atropelos dos dereitos humanos foron arrestados e expulsados do país (Bernard Sulvill, Willibrod Denaux...) así como o tamén sacerdote o colombiano Mario Bernal.

O mesmo día da toma de posesión de Monseñor Romero o goberno negaba a entrada no país a varios relixiosos (Benigno Fernández e Juan Ramón Vega). A compañía de Xesús, da que era membro sobranceiro Ignacio Ellacuría, era acusada de conivencia revolucionaria e antipatriotismo.

O 5 de marzo, unha asemblea especial de bispos nomeaba a Óscar Romero vicepresidente da conferencia episcopal e preparaba un comunicado denunciando a violación dos dereitos humanos e a persecución da Igrexa. A resposta non se fixo esperar: o 12 de marzo o sacerdote amigo persoal de Óscar Romero e comprometido coa organización dos campesiños, Rutilio Grande, foi asasinado na cidade de Aguilares xunto a dous labregos. O recen nomeado arcebispo ordenou a celebración dunha única misa como manifestación multitudinaria de protesta contra o crime.

Óscar Romero empezou a denunciar publicamente nas homilías os crimes da organización dereitista dos escuadróns da morte, as prácticas represivas das forzas de seguridade e a política do goberno militar. Reclamaba reformas xustas en beneficio do campesiñado e dos indíxenas e pedía que se investigaran as desaparicións e as mortes.

O Domingo 23 de marzo pedía aos membros do exército e da Guardia Nacional que deixaran de matar, nun discurso que ao tempo que denunciaba directamente as matanzas dos campesiños por parte das forzas armadas, ordenaba en nome da Lei de Deus que se desobedeceran ás ordes de represión e morte.

Ao día seguinte era asasinado mentres celebraba misa dun tiro no corazón.

En 1993, a comisión creada como consecuencia dos Acordos de Paz de Chapultepec concluíu que o asasinato fora planeado por sectores civís, militares e empresariais da dereita salvadoreña.

A arquidiocese de El Salvador solicitou permiso para iniciar os trámites de canonización. Tras o exame e aprobación do expediente realizado pola Congregación da Doutrina de Fe, presidida polo cardeal Joseph Ratzinger, o proceso segue o seu curso.

Recoñecementos[editar | editar a fonte]

  • Doutor honoris causa pola Universidade de Lovaina (Bélxica)
  • Doutor honoris causa pola Universidade de Georgetown (Estados Unidos)
  • Premio Paz de la acción ecuménica sueca
  • Fillo meritísimo post mortem da Asemblea Lexislativa da República de El Salvador.