(433) Eros

Na Galipedia, a wikipedia en galego.

Eros é o asteroide número 433 da serie 1898 DQ. Foi o primeiro asteroide coñecido que franquea a órbita da Terra. Con 22 km dun extremo ao outro, ten unha forma extremadamente alongada, semellante a unha salchicha. A maior proximidade que alcanzou con respecto á Terra foi de 23 millóns de quilómetros.

Eros foi o primeiro asteroide en recibir un nome masculino e foi descuberto independentemente a mesma noite do 13 de agosto de 1898 por August Honoré Charlois, dende Niza, e por Gustav Witt dende Berlin.