Gleb Uspenskii

Gleb Uspenskii
	;
Biografía
Nacemento	13 de outubro de 1843 (Xuliano) ; Tula
Morte	24 de marzo de 1902 (Xuliano) (58 anos); San Petersburgo (Imperio Ruso)
Causa da morte	insuficiencia cardíaca
Lugar de sepultura	Literatorskie mostki ; cemiterio Volkovo
Datos persoais
País de nacionalidade	Imperio Ruso
Actividade
Ocupación	escritor , xornalista
Xénero artístico	Sketch story (en) , conto e novela curta
Pseudónimo literario	Б—н ; Гл. У. ; Г....в ; Г—ский ; Ив. ; Гусев ; И—в ; Г. У. ; …въ ; М. ; Г. И. ; Братья Гипподромовы ; Г. ; Брызгин ; Иванов
Lingua	Lingua rusa
Familia
Fillos	Alexander Uspensky (pt) , Boris Uspensky (en)
Parentes	Nikolai Uspensky (en) (curmán entregue); Q112987758 (son's daughter (en) )
	Sinatura

Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.

Gleb Ivanovich Uspenskii (en ruso: Глеб Иванович Успенский) nado en Tula o 25 de outubro de 1843 e finado en San Petersburgo o 6 de abril de 1902, foi un escritor e periodista ruso.

Traxectoria[editar | editar a fonte]

Infancia[editar | editar a fonte]

Uspenskii naceu na cidade de Tula, onde o seu pai era un oficial do goberno. Asistiu aos ximnasios de Tula e Chernígov, dedicando gran parte do seu tempo á lectura dos clásicos rusos. Estudou na Universidade de San Petersburgo durante un curto período de tempo en 1861, ata que esta foi temporalmente pechada por disturbios estudantís. Entón, mudouse á Universidade de Moscova, pero en 1863 foi forzado a abandonala sen graduarse, debido á falta de diñeiro. A morte do seu pai en 1864 deixouno coa responsabilidade adicional de coidar da súa familia.

Profesión[editar | editar a fonte]

Os primeiros traballos de Uspenskii publicáronse en 1862, no xornal de Lev Tolstoi Yasnaya Poliana, e no xornal Spectator. Entre 1864 e 1865 contribuíu no xornal Ruskoe Slovo (A Palabra Rusa), e entre 1865 e 1866, no Sovremennik (O Contemporáneo). En 1866 publicou unha serie de debuxos sobre o campesiñado, baixo o título de As Costumes da Rúa Rastaraev, que lle valeu certa reputación. En 1868 se converteuse nun dos principais colaboradores da popular revista Notas da Patria, traballando con Nikolai Nekrasov e Mikhaíl Saltykov-Shchedrín.

Na década dos setenta, coa mellora das súas finanzas, viaxou considerablemente, entablando relacións cou gran número de revolucionarios populistas, tales como Piotr Lavrov e Stepniak. Publicou as súas observacións do estranxeiro nun número de traballos, incluíndo Cartas de Serbia.

Ao longo dos anos setenta e oitenta continuou escribindo acerca da vida e as condicións de traballo dos campesiños rusos. A súa obra máis coñecida, O Poder da Terra, baseada nos seus estudos da vida en Nizhnii Novgorod, publicouse en 1882.

Morte[editar | editar a fonte]

Comezou a sufrir unha enfermidade mental a mediados de 1890, e morreu nun asilo de San Petersburgo en 1902.

Legado[editar | editar a fonte]

Os traballos de Uspenskii tiveron unha considerable influencia, e foron eloxiados por moitos escritores contemporáneos, incluíndo a Lev Tolstoi, Anton Chejov e Maxim Gorki.